தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

கடந்த 9 ஆம் திகதி நாட்டின் பலபகுதிகளிலும் இடம்பெற்ற வன்முறைகள் தொடர்பில் இன்று வியாழக்கிழமை (26.05.2022) காலை வரை 1878 சந்தேகநபர்கள் கைது செய்யப்பட்டுள்ளதோடு , 831 பேர் விளக்கமறியலில் வைக்கப்பட்டுள்ளதாக பொலிஸ் பேச்சாளர் சிரேஷ்ட பொலிஸ் அத்தியட்சகர் நிஹால் தல்துவ தெரிவித்தார்.

நாட்டின் பல பகுதிகளிலும் கடந்த 9 ஆம் திகதி இடம்பெற்ற 854 வன்முறைகள் தொடர்பில் பொலிஸாருக்கு முறைப்பாடுகள் கிடைக்கப் பெற்றுள்ளன.

இவை தொடர்பில் முன்னெடுக்கப்பட்ட விசாரணைகளுக்கமைய நேற்று புதன்கிழமை மாத்திரம் 70 சந்தேகநபர்கள் கைது செய்யப்பட்டனர்.

இவர்களில் 41 பேர் பிணையில் விடுதலை செய்யப்பட்டுள்ளனர். விசாரணைகளின் பின்னர் நேற்று மேலும் 47 பேர் விளக்கமறியலில் வைக்கப்பட்டுள்ளதாக பொலிஸ் பேச்சாளர் மேலும் தெரிவித்தார்.