தவறவிடாதீர்கள்..!உடனே பதிவு செய்யுங்கள்

இவ்வாரத்திற்குள் புதிய பிரதமரின் தலைமையில் அமைச்சரவையை ஸ்தாபிப்பேன் என ஜனாதிபதி உறுதி பூண்டுள்ளார்.

இன்று இரவு நாட்டு மக்களுக்கு ஆற்றிய விசேட உரையின் போதே இந்த உறுதியை ஜனாதிபதி வழங்கியுள்ளார்.

நாட்டு மக்களுக்கு ஆற்றிய உரையில் ஜனாதிபதி மேலும் தெரிவிக்கையில்,

இவ்வாரத்திற்குள் புதிய பிரதமரின் தலைமையில் அமைச்சரவையை ஸ்தாபிப்பேன் .

நாட்டில் நிலைமை மோசமடைந்துள்ளது. இதனை மீளக்கட்டியெழுப்ப அனைத்து ஒத்துழைப்புக்களையும் புதிய அமைச்சரவைக்கு வழங்குவேன்.

19 ஆவது அரசியலமைப்பில் உள்ள சிறந்த விடயங்களை உள்ளடக்கிய புதிய அரசியலமைப்பை உருவாக்க ஒத்துழைப்பேன்.

நிறைவேற்று அதிகார ஜனாதிபதி முறைமையை இல்லாதொழிப்பது தொடர்பாக பலர் ஆலோசனை வழங்கியுள்ள நிலையில் அது குறித்து அவதானம் செலுத்துவேன்.

கடந்த 9 ஆம் திகதி இடம்பெற்ற கலவரத்திற்கு காரணமானவர்கள் அனைவருக்கும் தண்டனை வழங்கப்படும் என ஜனாதிபதி மேலும் தெரிவித்தார்.