தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

நாட்டில் எந்தவொரு தேர்தலையும் நடத்தக் கூடிய சூழல் தற்போது இல்லை. மக்களும் அதனை கோரவில்லை.

 தற்போது எதிர்கொண்டுள்ள நெருக்கடிகளுக்கு முக்கியத்துவமளிக்க வேண்டியதே இங்கு அத்தியாவசியமானதாகும் என்று அமைச்சரவை பேச்சாளர் கலாநிதி நாலக கொடஹேவா தெரிவித்தார். 

அமைச்சரவை தீர்மானங்களை அறிவிக்கும் வாராந்த ஊடகவியலாளர் மாநாடு செவ்வாய்க்கிழமை (3) இடம்பெற்ற போது இதனைத் தெரிவித்த அவர் மேலும் குறிப்பிடுகையில் ,

நாட்டில் தற்போது தேர்தலை நடத்தக் கூடிய சூழல் இல்லை. காரணம் முன்னொருபோதும் இல்லாதவாறு பாரிய பொருளாதார நெருக்கடிகளை நாம் தற்போது எதிர்கொண்டுள்ளோம். 

இவற்றிலிருந்து மீள்வதற்கான வழி தொடர்பிலேயே அவதானம் செலுத்த வேண்டியுள்ளது.

அத்தோடு மக்களும் தற்போது தேர்தலைக் கோரவில்லை. அவர்கள் தமது வாழ்வாதார பிரச்சினைகளுக்கான தீர்வினையும் , அத்தியாவசிய பொருட்களுகளையுமே கோருகின்றனர்.

 எதிர்தரப்பிலும் பெரும்பாலானோர் இது தேர்தலை நடத்துவதற்கு பொறுத்தமான தருணமல்ல என்று தெரிவித்துள்ளனர் என்றார்.