(என்.வீ.ஏ.)
மிகவும் பலம் வாய்ந்த றோயல் செலஞ்சர்ஸ் அணிக்கு எதிராக மும்பை ப்றேபோர்ன் விளையாட்டரங்கில் சனிக்கிழமை நடைபெற்ற ஐபிஎல் இருபது 20 கிரிக்கெட் போட்டியில் குஜராத் டைட்டன்ஸ் 6 விக்கெட்களால் வெற்றிபெற்றது.
சற்று கடினமான, ஆனால் எட்டக்கூடிய 171 ஓட்டங்களை வெற்றி இலக்காகக் கொண்டு பதிலுக்கு துடுப்பெடுத்தாடிய குஜராத் டைட்டன்ஸ் 19.2 ஓவர்களில் 4 விக்கெட்களை இழந்து 174 ஓட்டங்களைப் பெற்று இலகுவாக வெற்றியீட்டியது.
ராகுல் தெவாட்டியாவும் டேவிட் மில்லரும் அபாரமாகத் துடுப்பெடுத்தாடி பிரிக்கப்படாத 5 ஆவது விக்கெட்டில் 40 பந்துகளில் 79 ஓட்டங்களைப் பகிர்ந்து குஜராத் 8ஆவது வெற்றியை பெற உதவினர்.
இந்த வெற்றியுடன் 16 புள்ளிகளைப் பெற்றுள்ள குஜராத், பிளே ஓவ் சுற்றுக்கான வாய்ப்பை அதிகரித்துக்கொண்டுள்ளது
ஆரம்ப வீரர்களான ரிதிமான் சஹா (29), ஷுப்மான் கில் (31) ஆகிய இருவரும் 51 ஓட்டங்களைப் பிகிர்ந்திருந்தபோது சஹாவின் விக்கெட்டை வனிந்து ஹசரங்க டி சில்வா கைப்பற்றினார்.
மொத்த எண்ணிக்கைக்கு மேலும் 17 ஓட்டங்கள் சேர்ந்தபோது ஷுப்மான் கில்லை ஆட்டமிழக்கச் செய்த ஷாபாஸ் அஹ்மத், 10 ஓட்டங்கள் கழித்து அணித் தலைவர் ஹார்திக் பாண்டியாவின் (3) விக்கெட்டையும் கைப்பற்றினார்.
மொத்த எண்ணிக்கை 95 ஓட்டங்களாக இருந்தபோது வனிந்து ஹசரங்க டி சில்வாவின் பந்துவீச்சில் சாய் சுதர்சன் (20) வெளியேற்றப்பட்டார்.
அதன் பின்னர் ஜோடி சேர்ந்த டேவிட் மில்லரும் ராகுல் தெவாட்டியாவும் ஆரம்பத்தில் நிதானத்தைக் கடைப்பிடித்து பின்னர் அதிரடியில் இறங்கி அணியின் வெற்றியை உறுதிசெய்தனர்.
முன்னதாக முதலில் துடுப்பெடுத்தாடத் தீர்மானித்த றோயல் செலஞ்சர்ஸ் பெங்களூர் 20 ஓவர்களில் 6 விக்கெட்களை இழந்து 170 ஓட்டங்களைக் குவித்தது.
மொத்த எண்ணிக்கை 11 ஓட்டங்களாக இருந்தபோது அணித் தலைவர் பவ் டு ப்ளெசிஸ் 2ஆவது ஓவரில் ஓட்டம் பெறாமல் ஆட்டம் இழந்தபோதிலும் முன்னாள் தலைவர் விராத் கோஹ்லியும ரஜாத் பட்டிதாரும் மிக அருமையாகத் துடுப்பெடுத்தாடி 2ஆவது விக்கெட்டில் 99 ஓட்டங்களைப் பகிர்ந்து அணியை ஓரளவு பலப்படுத்தினர்.
அவர்கள் இருவரும் 19 ஓட்டங்கள் வித்தியாசத்தில் ஆட்டமிழந்தனர்.
ரஜாத் பட்டிதார் 52 ஓட்டங்களைப் பெற்றிருந்தபோது ப்ரதீப் சங்வானின் பந்துவீச்சிலும் விராத் கோஹ்லி 58 ஓட்டங்கள் பெற்றிருந்தபோது மொஹமத் ஷமியின் பந்துவீச்சிலும் ஆட்டம் இழந்து வெளியேறினர்.
மிகவும் எதிர்பார்க்கப்பட்ட தினேஷ் கார்த்திக் 3ஆவது தொடர்ச்சியான முறையாக பிரகாசிக்கத் தவறி 2 ஓட்டங்களுடன் ஆட்டமிழந்தார்.
க்ளென் மெக்ஸ்வெல் (33), மஹிபல் லொம்ரோர் (16) ஆகிய இருவரும் திறமையை வெளிப்படுத்தி அணியின் மொத்த எண்ணிக்கைக்கு பலம் சேர்த்தனர். ஷாபாஸ் அஹ்மத் 2 ஓட்டங்களுடன் ஆட்டமிழக்காதிருந்தார்.
பந்துவீச்சில் ப்ரதீப் சங்வான் 19 ஓட்டங்களுக்கு 2 விக்கெட்களைக் கைப்பற்றினார்.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM