தொடரும் மருந்துத் தட்டுப்பாடு - இலங்கைக்கு உதவ ஆசிய அபிவிருத்தி வங்கி , உலக வங்கி இணக்கம்

By Digital Desk 5

22 Apr, 2022 | 05:00 PM
image

(எம்.மனோசித்ரா)

கொழும்பில் மருத்துவ சேவை பிரிவுகளில் 525 மருந்து வகைகளுக்கும் , 5376 சத்திரசிகிச்சை மருந்து வகைகளும் நிறைவடைந்துள்ளதாக அரச மருந்தாளர்கள் சங்கம் தெரிவித்துள்ளது.

திடீர் இதய நோய், நீரழிவு நோய் உள்ளிட்ட பல முக்கிய உயர் பாதுகாக்கும் நோய்களுக்கு உயோகிக்கும் மருந்துகள் பலவும் இவற்றில் உள்ளடங்குகின்றன.

இதே போன்று தனியார் வைத்தியசாலையில் 76 முக்கிய மருந்துகளுக்கு தட்டுப்பாடு நிலவுவதாகவும் தனியார் வைத்தியசாலை மற்றும் தாதியர் இல்ல சங்கம் தெரிவித்துள்ளது. 

அதற்கமைய ஒட்டுமொத்தமாக மருந்துவ கட்டமைப்பில் சுமார் 5900 மருந்துகளுக்கு தட்டுப்பாடு நிலவுவதாக தெரிவிக்கப்படுகிறது.

இந்நிலையில் நாட்டில் நிலவும் மருந்து தட்டுப்பாட்டுக்கு தீர்வு காண்பதற்காக 30 மில்லியன் டொலரை வழங்குவதற்கு உலக வங்கி மற்றும் ஆசிய அபிவிருத்தி வங்கி என்பன இணக்கம் தெரிவித்துள்ளதாக சுகாதார அமைச்சு தெரிவித்துள்ளது. 

The list goes on - Sri Lankan hospitals face severe drug shortage as  economic crisis deepens | Tamil Guardian

அதற்கமை தட்டுப்பாடு நிலவும் மருந்துகளைக் கொள்வனவு செய்வதற்கான கடன் கடிதம் விடுவிக்கப்பட்டுள்ளதாகவும் சுகாதார அமைச்சு அறிவித்துள்ளது.

அத்தோடு உலக சுகாதார ஸ்தாபனத்திடமும் நாட்டில் தட்டுப்பாடு நிலவும் மருந்துகளைப் பெற்றுக் கொள்ள நடவடிக்கை எடுக்கப்பட்டுள்ளதாகவும் , அதற்கு சிறந்த பதில் கிடைக்கப் பெற்றுள்ளதாகவும் தெரிவிக்கப்பட்டுள்ளது.

 அதற்கமைய அடுத்த மாதத்திற்குள் நாட்டில் நிலவும் மருந்து தட்டுப்பாட்டுக்கு தீர்வு கிடைக்கப் பெறும் என்று எதிர்பார்ப்பதாகவும் சுகாதார அமைச்சு தெரிவித்துள்ளது.

முக்கிய செய்திகள்

icon-left
icon-right