இலங்கையில் பால் பண்ணை தொழில் பாதிக்கப்படும் அபாயம்

By T Yuwaraj

21 Apr, 2022 | 08:40 PM
image

இலங்கையில் நிலவும் அந்நியச் செலாவணி நெருக்கடியானது நாட்டின் பால் உற்பத்தித் தொழிலை கடுமையாகப் பாதித்துள்ள நிலையில், தொழில்துறையின் எதிர்காலத்தை நிலைநிறுத்த உதவும் மூலப்பொருட்களை இறக்குமதி செய்வதற்கு முன்னுரிமை அளிக்க உடனடியாக நடவடிக்கை எடுக்குமாறு அகில பால் பண்னை சங்கம் கோரிக்கை விடுத்துள்ளது.

Articles Tagged Under: பால் பண்ணை | Virakesari.lk

அதிகரித்து வரும் விலைகள், தீவனம், வைட்டமின்கள், எரிபொருள் மற்றும் உரங்களின் பற்றாக்குறை மற்றும் மக்காச்சோள இறக்குமதியில் உள்ள சிரமம் ஆகியவை தொழில்துறையின் உயிர்வாழ்வை பெரிதும் பாதித்துள்ளது என்று அகில இலங்கை பால் பண்னை  சங்கம் அறிக்கை தெரிவித்துள்ளது.

தரமான தீவனத்தில் இருந்து சரியான நுண்ணூட்டச்சத்துக்கள் மற்றும் வைட்டமின்கள் எங்கள் தொழில்துறையில் இன்றியமையாத பகுதியாகும், ஏனெனில் விநியோகச் சங்கிலியில் விலங்குகள் ஒரு ஒருங்கிணைந்த பங்கைக் கொண்டுள்ளன.

மக்காச்சோளம் மற்றும் சிலேஜ் போன்ற தீவனங்கள் உடனடியாகக் கிடைப்பது இன்றியமையாதது, ஏனெனில் இது தொழிலைத் தக்கவைக்க பெரிதும் உதவும்.

எவ்வாறாயினும், இவ்வாறான  பொருட்களை இறக்குமதி செய்வதைச் சார்ந்திருப்பதும், அந்நிய செலாவணி நெருக்கடி காரணமாக இறக்குமதிக்கு விதிக்கப்பட்டுள்ள கட்டுப்பாடுகளும் தொழில்துறையை முடக்குகிறது என்று அகில இலங்கை பால் பண்னை  சங்கம் தலைவர் பினேஷ் பனன்வாலா கூறினார்.

தரமான கால்நடைத் தீவனம் இல்லாததால், பால் உற்பத்தித் துறையின் விநியோகச் சங்கிலி பெருமளவில் பாதிக்கப்பட்டுள்ளது.

மக்காச்சோளம் மற்றும் சிலேஜிலிருந்து கால்நடைகளுக்கு அத்தியாவசிய நுண்ணூட்டச்சத்துக்கள் மற்றும் வைட்டமின்கள் கிடைக்காவிட்டால், விலங்குகளின் உடல் நலம் பாதிக்கப்படும், இதனால் பால் உற்பத்தி பாதிக்கப்படும் என்று அகில இலங்கை பால் பண்னை  சங்கம் சுட்டிக்காட்டியுள்ளது.

கால்நடை மருத்துவ வல்லுநர்கள், தீவனம் மற்றும் அறுவை சிகிச்சைக்குத் தேவையான நுண்ணுயிர் எதிர்ப்பிகள் மற்றும் மயக்க மருந்துகள் போன்ற மருந்துகளின் பற்றாக்குறையால் இந்த விலங்குகளின் நல்வாழ்வு குறித்து தொடர்ந்து தங்கள் கவலையை வெளிப்படுத்தியுள்ளனர்.

அந்நிய செலாவணி நெருக்கடியின் தாக்கம் எங்கள் தொழில்துறையின் பல அம்சங்களில் உணரப்படுகிறது.

 இத்தொழில் ஏற்கனவே தன்னைத் தக்கவைக்க போராடி வருகிறது, மேலும் எரிபொருள், சேமிப்பு வசதிகள், உரம் மற்றும் தீவனம் இல்லாததால், புதிய பால் மற்றும் பால் மாவின்  தேவையை எங்களால் பூர்த்தி செய்ய முடியவில்லை.

எங்களின் உற்பத்தி ஏற்கனவே பெருமளவு குறைந்துள்ளது, இதனை கவனத்தில்கொள்ளவிடின் எதிர்காலத்தில் பேரழிவை ஏற்படுத்தும் என அகில இலங்கை பால் சங்கம் ஆலோசகரும் பொது மேலாளருமான ஏ.சி.எச்.முனவீர தெரிவித்தார்.

மக்காச்சோளத்தை இறக்குமதி செய்வதற்கான அனுமதிகளை அரசாங்கம் ஒவ்வொரு முறையின் அடிப்படையில் வழங்கியுள்ளது இருப்பினும், அந்நிய செலாவணி பற்றாக்குறை காரணமாக தீவன இறக்குமதியாளர்கள் மற்றும் பால் நிறுவனங்கள் இறக்குமதியைத் தக்கவைக்க போராடியுள்ளன.

அந்நியச் செலாவணி பற்றாக்குறையால், தொழிலைத் தக்கவைக்கத் தேவையான மூலப்பொருட்களைக் கொண்டு வருவதற்கு இறக்குமதியாளர்களுக்கு கடன் கடிதங்களை (LCs) வழங்குவதில் வங்கிகளுக்கு கடினமாக உள்ளது என்றார்.

மேலும் இது குறித்து அகில இலங்கை பால் பண்னை சங்கத்தின் முன்னாள் தலைவர் நிஷாந்த ஜயசூரிய கூறுகையில்,

அந்நிய செலாவணி நெருக்கடியின் மிகப்பெரிய தாக்கத்தை ஒட்டுமொத்த தொழில்துறையும் உணர்ந்துள்ளது.

கால்நடை வளர்ப்போர், உற்பத்தியாளர்கள், உள்ளீடு வழங்குவோர் மற்றும் விநியோகஸ்தர்கள் என அனைவரும் விலைவாசி உயர்வு மற்றும் வளப் பற்றாக்குறையால் பாதிக்கப்பட்டுள்ளனர்.

நிதி மற்றும் கண்காணிப்புக் கொள்கையில் மாற்றங்கள் செய்யப்படாவிட்டால், புதிய பால் மற்றும் பால் மா  ஆகிய இரண்டின் தேவையையும் பூர்த்தி செய்ய முடியாமல் தொழில் மேலும் பாதிக்கப்படும்.

தரமான தீவனம் இல்லாததால் உள்ளூர் பால் உற்பத்தி வெகுவாக குறைந்து வருகிறது, மேலும் விலைவாசி உயர்வு காரணமாக இறக்குமதி செய்யப்படும் பால் வரத்து குறைந்து வருகிறது. தற்போது, கால்நடைகளை பராமரிக்க உள்நாட்டில் தயாரிக்கப்பட்ட தீவனம் பயன்படுத்தப்படுகிறது. ஆனால், உரங்கள் இல்லாததால் தீவனம் வரத்து குறைந்து வருகிறது என்றார்.

முக்கிய செய்திகள்

icon-left
icon-right

தொடர்பான செய்திகள்

news-image

இன்று மின்வெட்டு அமுலாகும் நேர அட்டவணை

2022-12-07 09:19:45
news-image

நாட்டின் வடபகுதிகளில் கனமழை பெய்யும்!

2022-12-07 09:22:09
news-image

தேசிய மகாவலி சட்டத்தின் கீழ் காணிகள்...

2022-12-06 20:32:33
news-image

எம்மிடமுள்ள சொத்துக்களை விற்றேனும் அந்நிய செலாவணி...

2022-12-06 21:17:04
news-image

அரசாங்கத்தின் சதித்திட்டங்களில் சிக்கிக்கொள்ள வேண்டாம் -...

2022-12-06 17:28:57
news-image

பல்தரப்பு நிதி நிறுவனங்களின் ஒருங்கிணைந்த உதவித்...

2022-12-06 17:01:23
news-image

எதிர்வரும் ஆண்டில் நாளாந்தம் 6 முதல்...

2022-12-06 17:31:03
news-image

கடன் மீளச் செலுத்துவதை மறுசீரமைத்தால் மாத்திரமே...

2022-12-06 16:37:15
news-image

இலங்கையின் கடன் நெருக்கடி குறித்த பேச்சுவார்த்தைக்கு...

2022-12-06 16:46:14
news-image

மலையக மக்களின் பிரச்சினைகளை தீக்க நடவடிக்கை...

2022-12-06 21:19:42
news-image

அரச அதிகாரிகளின் விருப்பத்திற்கு அமையவே எல்லை...

2022-12-06 21:02:49
news-image

நாடு மிக மோசமான விளைவுகளை எதிர்கொள்ள...

2022-12-06 17:18:12