(என்.வீ.ஏ.)
ரஷ்யா மற்றும் பெலாரஸ் வீர, வீராங்கனைகளுக்கு விம்பிள்டனில் விளையாட தடை விதிக்கப்பட்டுள்ளது.
உக்ரேன் மீதான படையெடுப்புக்கு ஆட்சேபமும் எதிர்ப்பும் தெரிவிக்கும் வகையில் அந்த இரண்டு நாட்டு வீர, வீராங்கனைகளுக்கு தடை விதிக்கப்பட்டுள்ளதாக அகில இங்கிலாந்து லோன் டென்னிஸ் கழகம் அறிவித்துள்ளது.
ஆண்களுக்கான தரவரிசையில் இரண்டாம் இடத்திலுள்ள ரஷ்ய வீரர் டெனில் மெட்வடேவ், பெண்களுக்கான தரவரிசையில் நான்காம் இடத்திலுள்ள பெலாரஸ் வீராங்கனை அரினா சபாலென்கா ஆகியோர் பாதிக்கப்படும் உயரிய நிலை வீர, வீராங்கனையாவர்.
ஐக்கிய இராச்சியத்தில் நடைபெறும் சகலவிதமான புல்தரை டென்னிஸ் போட்டிகளிலும் அந்த நாடுகளின் வீர, வீராங்கனைகளுக்கு பங்குபற்ற தடை விதிக்கப்பட்டுள்ளதாக அகில இங்கிலாந்து புல்தரை டென்னிஸ் கழகம் தெரிவித்துள்ளது.
இந்த நடவடிக்கை நியாயமற்றது எனவும் அது இவ் விளையாட்டுக்கு பாதிப்பை ஏற்படுத்தும் எனவும் தொழில்சார் டென்னிஸ் வீரர்கள் சங்கம் தெரிவித்துள்ளது.
'தேசியத்தை அடிப்படையாகக்கொண்ட பாகுபாடு விம்பிள்டனுடனான எமது ஒப்பத்தந்தை மீறுவதாகும். தொழில்சார் வீரர்கள் சங்கத்தின் (ATP) தரவரிசைகளில் மட்டுமே வீரர்களின் நுழைவு இருக்கின்றது என்பது அந்த ஒப்பந்தத்தில் பரிந்துரைக்கப்பட்டுள்ளது' என சங்கம் சுட்டிக்காட்டியுள்ளது.
'இந்தத் தீர்மானத்துக்கு பதிலளிக்கும் எந்த வகையான நடவடிக்கையும் எமது நிறைவேற்றுச் சபையுடனும் உறுப்பு சபைகளுடனும் கலந்தாலோசித்து மதிப்பீடு செய்யப்படும்' என சங்கம் வெளியிட்டுள்ள அறிக்கையில் குறிப்பிடப்பட்டுள்ளது.
இதேவேளை, 'ரஷ்யாவின் உலகளாவிய செல்வாக்கை சாத்தியமான வலிமைமிக்க வழிகளில் கட்டுப்படுத்தும் பொறுப்பு எமக்கு இருக்கின்றது' என அகில இங்கிலாந்து லோன் டென்னிஸ் கழகம் தெரிவித்தது.
விம்பிள்டன் டென்னிஸ் போட்டிகள் எதிர்வரும் ஜுன் 27ஆம் திகதியிலிருந்து ஜூல 10ஆம் திகதிவரை நடைபெறவுள்ளது.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM