தவறவிடாதீர்கள்..!உடனே பதிவு செய்யுங்கள்

மூதூர் பிரதேசத்தில் உள்ள எழுத்தாளர்களின் கௌரவிப்பும், சாகரம் எனும் நூல் வெளியீட்டு விழாவும் கடந்த  வியாழக்கிழமை காலை சம்பூர் கலாசார மண்டபத்தில் இடம்பெற்றது.

இதனை மூதூர் பிரதேச சபை ஏற்பாடு செய்திருந்தது.

மூதூர் பிரதேச சபையின் தவிசாளர் எம்.எ.அரூஸ் தலைமையில் இந்நிகழ்வு இடம்பெற்றதோடு இதற்கான அனுசரணையை இளைஞர் அபிவிருத்தி அகம் நிருவனம் வழங்கியிருந்தது.

இதில் மூத்த எழுத்தாளர்கள் 22 பேரும், இளம் எழுத்தாளர்கள் 15 பேருமாக மொத்தம் 37 எழுத்தாளர்கள் நினைவுச் சின்னம், பொற்கிளி என்பன வழங்கி கௌரவிக்கப்பட்டனர்.இதன்போது கலைநிகழ்வுகளும் இடம்பெற்றிருந்தன.

இந்நிகழ்வில் கிழக்கு மாகாண உள்ளூராட்சி ஆணையாளர் என்.மணிவண்ணண், கிழக்கு பல்கலைக்கழக முன்னாள் மொழித்துறைத் தலைவர் பேராசிரியர் செ.யோகராசா, மூதூர் வலயக் கல்விப் பணிப்பாளர் முனவ்வறா நளீம், மூதூர் பிரதேச செயலாளர் எம்.பீ.எம்.முபாறக் உள்ளிட்ட பலரும் அதிதிகளாக கலந்து கொண்டனர்.