தவறவிடாதீர்கள்..!உடனே பதிவு செய்யுங்கள்

பண்டாரகம உயன்வத்தை குளத்துக்கு குளிக்கச் சென்ற இளைஞர்களில் ஒருவர் நீரில் அள்ளுண்டு காணாமல் போயுள்ளதாக பண்டாரகம பொலிஸார் தெரிவித்துள்ளனர்.

ஹோமாகம பிரதேசத்தைச் சேர்ந்த  9 இளைஞர்கள் மோட்டார்சைக்கிள் மற்றும் முச்சக்கர வண்டி வாகனங்களில் உயன்வத்தை குளத்துக்கு குளிக்கச் சென்ற போதே குறித்த இளைஞர் நீரில் முழ்கி காணாமல் போயுள்ளதாக பண்டாரகம பொலிஸார் தெரிவித்துள்ளனர்.

இவ்வாறு நீரில் அள்ளுண்டவர் 19 வயதுடைய ஹோமாகம அதுருகிரிய மற்றும் சாந்தலொக்கம பிரதேசத்தைச் சேர்ந்தவராவார். 

குறித்த இளைஞனை தேடும் பணிகளில் பாணந்துறை பொலிஸ் உயிர்காப்பு படை மற்றும் பிரதேசவாசிகள் இணைந்து ஈடுபட்டு வருவதாக பொலிசார் மேலும்தெரிவித்துள்ளனர்.

சம்பவம் தொடர்பில் பண்டாரவலை பொலிஸார் மேலதிக விசாரணைகளை முன்னெடுத்துள்ளனர்.