போராட்டத்தை முடக்க ஜனநாயகத்திற்கு அப்பாற்பட்டு செயற்பட்டால் அது அரசாங்கத்திற்கு மேலும் பாதிப்பை ஏற்படுத்தும் - உதயகம்மன்பில

By T. Saranya

11 Apr, 2022 | 10:21 AM
image

(இராஜதுரை ஹஷான்)

ஜனாதிபதி கோட்டாபய ராஜபக்ஷவை ஆட்சிபீடமேற்றிய 69 இலட்ச மக்கள் தான் இன்று அவரையும் அவர் தலைமையிலான அரசாங்கத்தையும் பதவி விலகுமாறு ஒன்றிணைந்து வலியுறுத்துகிறார்கள்.

69 இலட்ச மக்களின் ஆதரவு இன்றும் உள்ளது என குறிப்பிடும் தரப்பினரது மனநிலையை பரிசோதிக்க வேண்டும்.

மக்களின் போராட்டத்தை முடக்க அரசாங்கம் ஜனநாயகத்திற்கு அப்பாற்பட்டு செயற்பட்டால் அது அரசாங்கத்திற்கு மேலும் பாதிப்பை ஏற்படுத்தும் என்பதை அரச தலைவர்கள் நினைவில் வைத்துக்கொள்ள வேண்டும் என முன்னாள் அமைச்சர்,பாராளுமன்ற உறுப்பினர் உதயகம்மன்பில தெரிவித்தார்.

தொழிற்சங்க பிரதிநிதிகளுடன் நேற்று கொழும்பில் இடம்பெற்ற கலந்துரையாடலை தொடர்ந்து ஊடகங்களுக்கு கருத்துரைக்கையில் மேற்கண்டவாறு குறிப்பிட்டார்.

அவர் மேலும் குறிப்பிடுகையில்,

69 இலட்ச மக்களின் ஆதரவு இன்னும் அரசாங்கத்திற்கு உள்ளது என ஆளும் தரப்பின் உறுப்பினர்கள் குறிப்பிடுவது நகைப்புக்குரியது. மக்களாணையை மதிப்பிட தேர்தலை நடத்த வேண்டிய தேவை கிடையாது. அறிவார்ந்தவர்கள் அதனை நன்கு அறிவார்கள். அரசாங்கத்தின் அனைத்து தீர்மானங்களும் சரி,பிரமாதம் என குறிப்பிட்டவர்கள் தான் இன்றும் 69 இலட்ச மக்கள் குறித்து கருத்துரைக்கிறார்கள்.

ஜனாதிபதி கோட்டாபய ராஜபக்ஷவை ஆட்சிபீடமேற்றிய 69 இலட்ச மக்கள் தான் அவரையும் அவர் தலைமையிலான அரசாங்கத்தை பதவி நீங்குமாறு ஒன்றினைந்து வலியுறுத்துகிறார்கள். அரசாங்கத்திற்கு மக்கள் ஆதரவு கிடையாது.

மக்களின் விருப்பத்திற்கு முரணாக அரசாங்கம் தொடர்ந்து பதவி வகித்தால் மக்களின் போராட்டம் தீவிரமடையுமே தவிர குறைவடையாது.நாட்டு மக்களின் போராட்டத்தை முடக்க அரசாங்கம் ஜனநாயகத்திற்கு அப்பாற்பட்டு செயற்பட்டால் அது அரசாங்கத்திற்கு மேலும் பாதிப்பை ஏற்படுத்தும்.

நாட்டு மக்களை தொடர்ந்து ஏமாற்ற முடியாது. தமக்கான அரசாங்கத்தை தெரிவு செய்ய மக்களுக்கு இடமளிக்க வேண்டும். அரசாங்கத்திற்கு 5 வருடகால பதவி காலம் உள்ளது ஆனால் மக்களாதரவு இல்லை. பாராளுமன்றில் பெரும்பான்மையை உறுதிப்படுத்துவதால் மாத்திரம் மக்களாதரவை பெற்று விட முடியாது.

அரசாங்கத்தின் பெரும்பான்மையை பலத்தை இனி பாராளுமன்றில் பார்த்துக்கொள்ளலாம். புதிய பிரதமர் தலைமையில் இடைக்கால அரசாங்கத்தை ஸ்தாபித்து பிரச்சினைகளுக்கு தற்காலிக தீர்வு காண முடியுமே தவிர நீண்டகால தீர்வு காண முடியாது. பொதுத்தேர்தல் விரைவாக நடத்தப்பட வேண்டும் என்பதே எமது பிரதான கோரிக்கையாக உள்ளது என்றார்.

முக்கிய செய்திகள்

icon-left
icon-right

தொடர்பான செய்திகள்

news-image

மனித உரிமை பேரவையில் நிறைவேற்றப்பட்டுள்ள தீர்மானத்தை...

2022-10-07 12:10:56
news-image

சர்ச்சைக்குரிய இந்திய நிறுவன மருந்துகள் இலங்கையில்...

2022-10-07 12:10:55
news-image

அவசியமான விடயங்களை இலங்கை செய்வதற்காக காத்திருக்கின்றோம்...

2022-10-07 11:55:23
news-image

வீடொன்றிலிருந்து 6 கிலோவுக்கும் அதிகமான போதைப்பொருள்...

2022-10-07 12:15:36
news-image

சப்புகஸ்கந்த எண்ணெய் சுத்திகரிப்பு நிலையத்திற்கு பூட்டு

2022-10-07 12:12:33
news-image

நாவலப்பிட்டியில் துப்பாக்கி, வெற்றுத்தோட்டாக்களுடன் ஒருவர் கைது

2022-10-07 10:49:00
news-image

மினுவாங்கொடை முக்கொலை ; இதுவரை 6...

2022-10-07 10:12:27
news-image

தேசிய சபையின் கூட்டத்தில் இரண்டு உப...

2022-10-07 10:45:59
news-image

13 வயது சிறுமியை வன்புணர்ந்து கர்ப்பமாக்கிய...

2022-10-07 10:44:53
news-image

உருவானது அம்மான் படையணி ! 

2022-10-07 10:27:46
news-image

நாட்டின் சில பகுதிகளில் இடியுடன் கூடிய...

2022-10-07 09:41:14
news-image

இன்று மின்வெட்டு அமுலாகும் நேர அட்டவணை

2022-10-07 08:38:12