மற்றுமொரு அதிவிசேட வர்த்தமானி அறிவித்தல் வெளியானது

03 Apr, 2022 | 07:22 AM
image

ஜனாதிபதியினால் மற்றுமொரு அதிவிசேட வர்த்தமானியொன்று வெளியிடப்பட்டுள்ளது.

ஊரடங்குச் சட்டம் அமுல்படுத்தப்பட்டுள்ள காலப்பகுதியில் எந்தவொரு பொது வீதி, பூங்கா, மைதானங்கள், புகையிரத வீதிகள், கடற்பரப்புக்கள் போன்ற பொது இடங்களில் மக்கள் நடமாடுவதைத் தடை செய்யும் விசேட வர்த்தமானியே இவ்வாறு வெளியிடப்பட்டுள்ளது.

சனிக்கிழமை (2) மாலை 6.00 மணி முதல் எதிர்வரும் திங்கட்கிழமை 04 ஆம் திகதி காலை 6.00 மணி வரை மக்கள் நடமாடுவதைத் தடை செய்யும் நோக்கில் விசேட வர்த்தமானி வெளியிடப்பட்டுள்ளது.

இதேவேளை, பாதுகாப்பு அமைச்சு அல்லது பொது பாதுகாப்பு அமைச்சின் செயலாளர்கள், பொலிஸ் மா அதிபர் அல்லது வேறு ஏதேனும் அங்கீகரிக்கப்பட்ட அதிகாரிகளால் எழுத்துமூல அனுமதி பெற்றவர்களுக்கு விதிவிலக்குகள் வழங்கப்படுவதாக தெரிவிக்கப்பட்டுள்ளமை குறிப்பிடத்தக்கது.

முக்கிய செய்திகள்

icon-left
icon-right