தவறவிடாதீர்கள்..!உடனே பதிவு செய்யுங்கள்

வத்தளை பிரதேசத்தில் முச்சக்கரவண்டியொன்றை கொள்ளையிட்ட சந்தேகநபரொருவர் கைதுசெய்யப்பட்டுள்ளார்.

நேற்று முதலாம் திகதி  வெள்ளிக்கிழமை வத்தளை - எலகந்தை பிரதேசத்தில் பொலிஸாரால் குறித்த நபர் கைதுசெய்யப்பட்டுள்ளதாக பொலிஸ் ஊடகப்பிரிவு தெரிவித்துள்ளது.

இவ்வாறு கைதுசெய்யப்பட்ட நபர் 24 வயதான ரொசெல்ல பிரதேசத்தைச் சேர்ந்தவராவார். 

குறித்த நபர் செலுத்திய முச்சக்கரவண்டியை பொலிஸார் சோதனைக்குட்படுத்தியதுடன் மேலதிக விசாரணைகளில் குறித்த முச்சக்கரவண்டி சந்தேகநபரால் கொட்டாஞ்சேனை பிரதேசத்தில் கொள்ளையிடப்பட்டுள்ளமை தெரியவந்துள்ளது.

கைதுசெய்யப்பட்ட நபர்  இன்று வெலிசரை நீதிவான் முன்னிலையில் ஆஜர்படுத்தப்பட்டுள்ளார். 

மேலதிக விசாரணைகளை வத்தளை பொலிஸார் முன்னெடுத்து வருவதாக பொலிஸ் ஊடகப்பிரிவு மேலும் தெரிவித்துள்ளது.