நியூஸிலாந்து –இலங்கை அணி கள் மோதிய 2ஆவது மற்றும் கடைசி டெஸ்ட் போட்டியில் 5 விக்கெட்டுக்கள் வித்தியாசத்தில் நியூஸிலாந்து அணி வெற்றிபெற்றது. ஹமில்டனில் நடந்த இந்தப் போட்டியில் முதலில் துடுப்பெடுத்தாடிய இலங்கை அணி முதல் இன்னிங்ஸில் 292 ஓட்டங்களைப் பெற்று சகல விக்கெட்டுக்களையும் இழந்தது.அதன்பிறகு தனது முதல் முன்னிங்ஸை ஆடிய நியூஸிலாந்து அணி 237 ஓட்டங்களைப் பெற்று ஆட்டமிழந்தது.
55 ஓட்டங்கள் முன்னிலையில் 2ஆவது இன்னிங்ஸை விளையாடிய இலங்கை அணி நியூஸிலாந்தின் வேகப்பந்து வீச்சாளர் சௌதியின் அபாரமான பந்து வீச்சால் திணறியது.
இறுதியில் இலங்கை அணி 36.3 ஓவர்களில் 133 ஓட்டங்களுக்கு சுருண்டது. இதனால் நியூஸிலாந்து அணி க்கு 189 ஓட்டங்கள் என்ற இலகுவான வெற்றி இலக்கு நிர்ணயிக்கப்பட்டது.
நேற்றுமுன்தினம் 3ஆவது நாள் ஆட்டத்தின் முடிவில் நியூஸிலாந்து அணி 5 விக்கெட்டுக்களை இழந்து 142 ஓட்டங்களை பெற்றிருந்தது. வில்லியம்ஸன் 75 ஓட்டங்களுடன் களத்தில் இருந்தார்.
நேற்று நான்காவது நாள் ஆட்டம் ஆரம்பமானது. வில்லியம்ஸன் தொடர்ந்து அபாரமாக விளையாடி சதம் அடித்தார். 47ஆவது டெஸ்டில் விளையாடும் அவருக்கு இது 4ஆவது சதமாகும்.
இறுதியில் நியூஸிலாந்து அணி 5 விக்கெட்டுக்கள் இழப்பிற்கு 189 ஓட்டங்களைப் பெற்று 5 விக்கெட்டுக்கள் வித்தியாசத்தில் வெற்றி பெற்றது. வில்லியம்ஸன் 164 பந்துகளுக்கு முகம்கொடுத்து 108 ஓட்டங்களைப் பெற்று ஆட்டமிழக்காமல் இருந்தார். இதில் 12 பவுண்டரிகளும், 1 சிக்ஸரும் அடங்கும். இலங்கை அணி சார்பில் பந்துவீச்சில் அசத்திய சமீர 4 விக்கெட்டுக்களை வீழ்த்தினார். லக்மால் 1 விக்கெட்டை வீழ்த்தினார்.
இந்த வெற்றியின் மூலம் நியூஸிலாந்து அணி 2–0 என்ற கணக்கில் தொடரை கைப்பற்றியது. நியூஸிலாந்து அணி ஏற்கனவே டுனிடில் நடந்த முதல் டெஸ்டில் வெற்றி பெற்று இருந்தது.
இலங்கை – நியூஸிலாந்து அணிகள் மோதும் 5 ஒருநாள் போட்டிகள் கொண்ட தொடரின் முதல் போட்டி எதிர்வரும் 26ஆம் திகதி கிறிஸ்ட் சர்ச் நகரில் நடைபெறுகின்றது.
கருத்து
தேரர்களின் ஆக்கிரமிப்புக்கள் மீண்டும் பிரபாகரனை உருவாக்குவதற்கான செயற்பாடு - வ.ஐ.ச.ஜெயபாலன் விசேட செவ்வி
25 Sep, 2022 | 11:25 AM
அனைத்தும் புதிதாக உருவாக்கபடல் வேண்டும்
08 Aug, 2022 | 09:07 AM
நமக்கு தெரிந்த முன்னைய ரணில் வெளிக்கிளம்புவார் என்று நம்புவோம் - கலாநிதி ஜெகான் பெரேரா
08 Aug, 2022 | 09:15 AM
நியாயப்பாடுடைய அரசாங்கத்தை நிறுவ ஜனாதிபதி கடுமையாக பாடுபடவேண்டியிருக்கும்
08 Aug, 2022 | 09:12 AM
போராட்டங்கள் ஊடாக பிரஜைகள் வழங்கும் அரசியல் செய்திகளை புரிந்துகொள்ளல்
27 May, 2022 | 11:24 AM