மகளிர் சர்வதேச இருபதுக்கு - 20 கிரிக்கெட்டில் தீப்பிகா உலக சாதனை

23 Mar, 2022 | 11:50 AM
image

(என்.வீ.ஏ.)


மகளிர் சர்வதேச இருபது 20 கிரிக்கெட் போட்டியில் பாஹ்ரெய்ன் அணியைச் சேர்ந்த தீப்பிகா ரசங்கிகா, அதிகூடிய ஓட்டங்களுக்கான உலக சாதனையை நிலைநாட்டியுள்ளார்.

வளைகுடா கூட்டுறவு பேரவை (கல்வ் கோர்ப்பரேஷன் கவுன்சில் - ஜீசிசி) மகளிர் இருபது 20 வல்லவர் கிண்ண கிரிக்கெட் போட்டி ஒன்றிலேயே தீப்பிகா ரசங்கிகா உலக சாதனை நிலைநாட்டினார்.

இவர் இலங்கையின் முன்னாள் கிரிக்கெட் வீராங்கனையாவார்.

சவுதி அரேபியா அணிக்கு எதிராக செவ்வாய்க்கிழமை நடைபெற்ற ஜீசிசி மகளிர் இருபது 20 வல்லவர் கிண்ண கிரிக்கெட் போட்டியில் பாஹ்ரெய்ன் சார்பாக 66 பந்துகளில் 31 பவண்ட்றிகளை விளாசி ஆட்டமிழக்காமல் 161 ஓட்டங்களைப் பெற்ற 38 வயதான தீப்பிகா ரசங்கிகா தனிநபருக்கான அதிகூடிய ஓட்டங்களுக்குரிய உலக சாதனையை ஏற்படுத்தினார்.

இதற்கு முன்னர் மகளிர் சர்வதேச இருபது 20 கிரிக்கெட் போட்டியில் இலங்கைக்கு எதிராக 2019இல் சிட்னியில் அவுஸ்திரேலியாவின் அலிசா ஹீலி பெற்ற ஆட்டமிழக்காத 148 ஓட்டங்களே தனிநபருக்கான அதிகூடிய ஓட்டங்களாக இருந்தது.

சவூதி அரேபியாவுடனான போட்டியில் 43 பந்துகளில் 100 ஓட்டங்களைப் பூர்த்திசெய்த தீப்பிகா ரசங்கிகா, அணித் தலைவி தரங்கா கஜநாயக்கவுடன் பிரிக்கப்படாத 2ஆவது விக்கெட்டில் 255 ஓட்டங்களைப் பகிர்ந்து  மகளிர் சர்வதேச இருபது 20 கிரிக்கெட்  போட்டியில்   அவ் விக்கட்டுக்கான அதிகூடிய இணைப்பாட்ட சாதனையையும் படைத்தார்.

தரங்கா கஜநாயக்க 56 பந்துகளில் 17 பவுண்ட்றிகளுடன் ஆட்டமிழக்காமல் 94 ஓட்டங்களைப் பெற்றார்.

இலங்கை   வம்சாவழியான  38 வயதுடைய தரங்கா கஜநாயக்க, கோல்ட்ஸ் கிரிக்கெட் கழகத்தின் முன்னாள் வீராங்கனையாவார்.

பாஹ்ரெய்ன் அணியில் இடம்பெறும் மற்றொரு இலங்கை வம்சாவழியான 41 வயதுடைய ரசிகா ரொட்றிகோ நேற்றைய போட்டியில் 13 ஓட்டங்களைப் பெற்றார்.

இந்தப் போட்டியில் முதலில் துடுப்பெடுத்தாடிய பாஹ்ரெய்ன் 20 ஓவர்களில் ஒரு விக்கெட்டை இழந்து 318 ஓட்டங்களைக் குவித்தது.

பதிலுக்கு துடுப்பெடுத்தாடிய சவூதி அரேபியா 20 ஓவர்களில் 8 விக்கெட்களை இழந்து 49 ஓட்டங்களை மாத்திரமே பெற்றது.

பாஹ்ரெய்ன் பந்துவீச்சில் தீப்பிகா ரசங்கிகா 9 ஓட்டங்களுக்கு 3 விக்கெட்களையும் சச்சினி ஜயசிங்க (மற்றொரு இலங்கை வம்சாவழி) 14 ஓட்டங்களுக்கு 2 விக்கெட்களையும் கைப்பற்றினர்.

முக்கிய செய்திகள்

icon-left
icon-right

தொடர்பான செய்திகள்

news-image

நேபாளத்துக்கு கைக்கு எட்டியது வாய்க்கு எட்டவில்லை;...

2024-06-15 16:23:37
news-image

சமரி அத்தபத்தவுக்கு மீண்டும் ஐசிசி விருது...

2024-06-15 10:36:16
news-image

அமெரிக்க - அயர்லாந்து போட்டி மழையால்...

2024-06-15 06:57:40
news-image

ஆப்கானிஸ்தன் உள்ளே ! நியூஸிலாந்து வெளியே...

2024-06-14 13:52:46
news-image

பங்களாதேஷின் சுப்பர் 8 வாய்ப்பை ஷக்கிப்...

2024-06-14 01:42:11
news-image

நிறுத்தக் கடிகார விதிகளின் பிரகாரம் அபராதம்...

2024-06-13 17:39:33
news-image

சுப்பர் 8 சுற்றில் மேற்கிந்தியத் தீவுகள்;...

2024-06-13 11:11:44
news-image

மேற்கிந்தியத் தீவுகளுக்கு எதிரான போட்டி நியூஸிலாந்துக்கு...

2024-06-13 01:48:40
news-image

ஐக்கிய அமெரிக்காவை வெற்றிகொண்ட இந்தியா சுப்பர்...

2024-06-13 01:03:23
news-image

பாகிஸ்தானின் தலைவிதியைத் தீர்மானிக்கவுள்ள இந்தியா -...

2024-06-12 14:45:17
news-image

நமிபியாவை வீழ்த்திய அவுஸ்திரேலியா 2ஆவது அணியாக...

2024-06-12 10:16:02
news-image

கடும் மழையினால் இலங்கையின் சுப்பர் 8...

2024-06-12 09:55:49