தவறவிடாதீர்கள்..!உடனே பதிவு செய்யுங்கள்

போலியான தங்க நகைகளை விற்பனை செய்து சுமார் 20 இலட்சம் ரூபா பண மோசடியில் ஈடுபட்ட இருவர் கைது செய்யப்பட்டுள்ளனர்.

வரகாபொல பொலிஸ்பிரிவுக்குட்பட்ட வாரியகொட பிரதேசத்தில் குறித்த சந்தேக நபர்கள் இருவரும் கைது செய்யப்பட்டுள்ளதாக பொலிஸ் ஊடகப்பிரிவு தெரிவித்துள்ளது.

குறித்த சந்தேக நபர்களிடமிருந்து 731 கிராம் 240 மில்லிகிராம் தங்கக்கட்டிகள் பொலிஸாரால் கைப்பற்றப்பட்டுள்ளன.

இவ்வாறு கைது செய்யப்பட்டவர்கள் 25, 38 வயதுடைய அலவ்வ மற்றும் யக்கல பிரதேசத்தைச் சேர்ந்தவர்களாவர்.

கைது செய்யப்பட்ட சந்தேக நபர்கள் இருவரும் இதற்கு முன்னரும் இதே போன்று நாட்டின் பல பிரதேசங்களிலும் பண மோசடியில் ஈடுபட்டுள்ளமையும் , இவர்களில் ஒரு சந்தேக நபர் ரம்புக்களை பொலிஸ் பிரிவில் இடம்பெற்ற கொலை உள்ளிட்ட 6 குற்றச் செயல்களுடன் தொடர்புடையவர் என்பதும் விசாரணைகளில் தெரியவந்துள்ளது.

வரகாபொல பொலிஸார் மேலதிக விசாரணைகளை முன்னெடுத்து வருவதாக பொலிஸ் ஊடகப்பிரிவு மேலும் தெரிவித்துள்ளது.