தவறவிடாதீர்கள்..!உடனே பதிவு செய்யுங்கள்

மாகாண சபைத் தேர்தல்கள் தொடர்ந்தும் ஒத்திவைக்கப்படுவதற்கு எதிராக சட்ட நடவடிக்கை எடுப்பதற்கான சாத்தியக்கூறுகளை தேர்தல் கண்காணிப்பு அமைப்பான சுதந்திரமானதும் நீதியானதுமான தேர்தலுக்கான மக்கள் இயக்கம் (பெப்ரல்) ஆய்வு செய்து வருகிறது.

மாகாண சபைத் தேர்தலை நடத்துவதில் முன்னைய நிர்வாகமோ தற்போதைய அரசாங்கமோ அதிக கவனம் செலுத்தவில்லை. எனவே, மாகாண சபைத் தேர்தலை விரைவாக நடத்துவதற்கு அரசாங்கம் நடவடிக்கை எடுக்க வேண்டுமென இயக்கத்தின் நிறைவேற்றுப் பணிப்பாளர் ரோஹன ஹெட்டியாராச்சி தெரிவித்தார்.

சுமார் நான்கு ஆண்டுகளாக தேர்தல் தாமதமாகி வருவதால், மாகாணசபை செயல்பாடுகள் அந்தந்த ஆளுநர்கள் மூலமாகவே முன்னெடுக்கப்பட்டு வருகின்றன.

தற்போதைய அரசாங்கம் தேர்தலை நடத்துவது தொடர்பில் அரசியல் அறிக்கைகளை வெளியிட்டாலும், தேர்தலை நடத்துவதற்கு சட்டரீதியாகவோ அல்லது சட்ட ரீதியாகவோ நடவடிக்கை எடுக்கப்படவில்லை.

ஆகவே தாமதமான மாகாண சபைத் தேர்தலை நடத்துவதற்கான அர்த்தமுள்ள முயற்சிகள் எவையும் அவதானிக்கப்படாததால், சட்ட நடவடிக்கை எடுப்பதற்கான சாத்தியக்கூறுகளை ஆராய்ந்து வருவதாகவும் அவர் கூறினார்.