தவறவிடாதீர்கள்..!உடனே பதிவு செய்யுங்கள்

(எம்.எம்.சில்வெஸ்டர்)

வெளிநாடுகளுக்கு பயணங்களை மேற்கொள்ளும்போது விமான நிலைய அதிகாரிகளுக்கு காண்பிப்பதற்காக போலி பி.சி.ஆர். பரிசோதனை அறிக்கைகளை தயாரித்த குற்றச்சாட்டில் மூவர் கைதுசெய்யப்பட்டுள்ளனர்.

குற்றப் புலனாய்வுப் பிரிவு அதிகாரிகளினால் நேற்றிரவு இந்த கைது சம்பவம் முன்னெடுக்கப்பட்டுள்ளது.

கைதுசெய்யப்பட்ட மூவரும், நாட்டிலுள்ள முன்னணி வைத்தியசாலையொன்றின் பி.சீ.ஆர். பரிசோதனை அறிக்கைகளில் உள்ள விரைவான பதில் குறியீட்டை (QR Code) பயன்படுத்தி  மிகவும் சூட்சுமமான முறையில் அதிகளவு போலியான பி.சி.ஆர். அறிக்கைகளை தயாரித்துள்ளனர் என குற்றப் புலனாய்வுப் பிரிவினர் குறிப்பிடுகின்றனர்.  

சந்தேக நபர்கள் சில காலமாக இந்த மோசடியில் ஈடுபட்டுள்ளதாகவும், பி.சி.ஆர். அறிக்கையொன்றுக்கு 6000 ரூபா அறிவிட்டுள்ளதாகவும், இவர்கள் மூவரும் நீர்கொழும்பு தர்கா நகரைச் சேர்ந்தவர்கள் எனவும் ‍ குற்றப்  புலனாய்வுப் பிரினர் தெரிவித்துள்ளனர்.