தவறவிடாதீர்கள்..!உடனே பதிவு செய்யுங்கள்

மட்டக்களப்பு புல்லுமலை பகுதியில் சுமார் 80 இலட்சம் ரூபா பெறுமதியான இரண்டு கஜமுத்துக்களுடன் இருவர் கைது செய்யப்பட்டுள்ளதாக மட்டக்களப்பு மாவட்ட வனஜீவராசிகள் திணைக்கள பணிப்பாளர் தெரிவித்தார்.

வவுணதீவு விசேட அதிரடிப் படையினரும் கல்லடி கடற்படை வீரர்களும் நேற்று மாலை மேற்கொண்ட சுற்றிவளைப்பு நடவடிக்கையின் போது சந்தேகநபர்கள் கஜமுத்துக்களுடன் கைது செய்யப்பட்டுள்ளனர்.

புல்லுமலைவழியாக மட்டக்களப்பு நோக்கி  மோட்டார் சைக்கிள் மூலம் குறித்த கஜமுத்துக்களை கடத்திய போதே குறித்த இருவரும் கைதுசெய்யப்பட்டனர்.

கைதானவர்களிடமிருந்து 30.8 கிராம் மற்றும் 4.5 கிராம் எடையுள்ள இரு கஜமுத்துக்களும் கடத்தலுக்குப் பயன்படுத்திய மோட்டார் சைக்கிளும் கைப்பற்றப்பட்டுள்ளன.

இந்நிலையில் சம்பவம் தொடர்பிலான மேலதிக விசாரணைகள் முன்னெடுக்கப்பட்டு வருவதாக மட்டக்களப்பு பொலிஸார் தெரிவித்தனர்.