தவறவிடாதீர்கள்..!உடனே பதிவு செய்யுங்கள்

பாம்புகளின் வசிப்பிடமாகவும் டெங்கு பரவும் இடமாகவும் மாறியுள்ள ஓட்டமாவடி சிறுவர் பூங்காவை புனர்நிர்மாணம் செய்யுமாறு பொதுமக்கள் கோரிக்கை விடுக்கின்றனர். 

கோறளைப்பற்று மேற்கு ஓட்டமாவடி பிரதேச சபைக்குட்பட்ட குறித்த சிறுவர் பூங்கா பல வருடங்களாக கவனிப்பாரற்ற நிலையில் காணப்படுகிறது. 

குறித்த சிறுவர் பூங்காவும் அதனைச் சுற்றியுள்ள சூழலும் புற்கள் முளைத்து காடுகளாக காட்சியளிக்கிறது. 

அத்துடன், சிறுவர்கள் பயன்படுத்தும் விளையாட்டு உபகரணங்கள் சேதமைடைந்து, அதனுள் மழை நீர் தேங்கி நின்று டெங்கு பெருகும் நிலை காணப்படுவதுடன், சிறுவர் பூங்கா பாம்புகளின் வசிப்பிடமாகவும் மாறியுள்ளது. 

கவனிப்பாரற்ற நிலையில் காணப்படும் குறித்த சிறுவர் பூங்காவை பிரதேச சபை நிர்வாகம் கவனம் செலுத்தி, புனர்நிர்மாணம் செய்து முறையாக பராமரித்து சிறுவர்கள் பயன்படுத்த நடவடிக்கை மேற்கொள்ள வேண்டும் என்று பொதுமக்கள் கோரிக்கை விடுக்கின்றனர்.