ஒமிக்ரோன் திரிபினால் 8 நாட்களுக்குள் 6 ஆயிரம் தொற்றாளர்கள்

By Vishnu

27 Jan, 2022 | 05:20 PM
image

(இராஜதுரை ஹஷான்)

கொவிட் -19 வைரஸ் தாக்கம் கடந்த 4 மாத காலமாக ஒப்பீட்டளவில் கட்டுப்படுத்தப்பட்டுள்ள நிலையில் ஒமிக்ரோன் திரிபு தாக்கத்தின் பின்னர் நாட்டில் கொரோனா வைரஸ் தொற்றாளர்களின் எண்ணிக்கை தற்போது சடுதியாக அதிகரித்து வருவதை அவதானிக்க முடிகிறது.

இம்மாதத்தின் முதல் வாரத்திலிருந்து கொவிட் -19 வைரஸ் தொற்றாளர்களின் எண்ணிக்கை சுமார் 800 ஆக காணப்பட்ட நிலையில் தொற்றாளர்களின் எண்ணிக்கை கட்டம் கட்டமாக அதிகரித்துள்ளது.

கடந்த செப்டெம்பர் மாதத்திற்கு பின்னர் நேற்று கொவிட் தொற்றாளர்களின் எண்ணிக்கை 927 ஆக அதிகரித்துள்ளமை குறிப்பிடத்தக்கது.

கடந்த 8 நாட்களுக்குள் மாத்திரம் கொவிட் -19 வைரஸ் தொற்றாளர்களின் எண்ணிக்கை 6 ஆயிரத்தை அண்மித்துள்ளமை அவதானத்திற்குரியது. 

கொவிட் -19 சுகாதார பாதுகாப்பு அறிவுறுத்தல்கள் முழுமையாக தளர்த்தப்பட்டமை, மூன்றாம் கட்ட தடுப்பூசியை பெற்றுக் கொள்வதை பொது மக்கள் புறக்கணித்து வருகின்றமை கொவிட் வைரஸ் பரவல் மீண்டும் தீவிரமடைவதற்கு பிரதான காரணியாக உள்ளது என பொதுசுகாதார சேவை சங்கத்தினர் குறிப்பிட்டுள்ளனர்.

முக்கிய செய்திகள்

icon-left
icon-right