தவறவிடாதீர்கள்..!உடனே பதிவு செய்யுங்கள்

(ஜெ.அனோஜன்)

இலங்கை மகளிர் கிரிக்கெட் அணியின் தலைவர் சமரி அதபத்து, பொதுநலவாய விளையாட்டுப் போட்டிக்கான தகுதி சுற்று ஆட்டத்தில் சிறப்பான துடுப்பாட்டத்தை வெளிப்படுத்திய பின்னர் ஐ.சி.சி.யின் மகளிர் டி:20 துடுப்பாட்ட வீரர்களுக்கான பட்டியலில் ஆறு இடங்கள் முன்னேறியுள்ளார்.

மலேசியாவில் அண்மையில் நடைபெற்ற பொதுநலவாய விளையாட்டுப் போட்டிக்கான தகுதி சுற்று ஆட்டங்களில் சமரி அதபத்து 55.25 சராசரி மற்றும் 185.71 நிகர சராசரியுடன் மொத்தமாக 221 ஓட்டங்களை குவித்தார்.

இதனால் ஐ.சி.சி.யின் மகளிர் டி:20 துடுப்பாட்ட வீரர்களுக்கான பட்டியலில் ஆறு இடங்கள் முன்னேறிய அவர் எட்டாவது இடத்தை பிடித்தார்.

இது தவிர மகளிர் டி:20 சகலதுறை வீரர்களுக்கான பட்டியலிலும் சமரி அதபத்து ஒரு இடம் முன்னேறி, ஏழாவது இடத்திற்கு வந்தார்.