தவறவிடாதீர்கள்..!உடனே பதிவு செய்யுங்கள்

இலஞ்சம் பெற்றமைக்காகவும் கொக்கெய்ன் போதைப்பொருள் பாவனையில் ஈடுபட்டமைக்காகவும் தான் தடையை எதிர்நோக்கியுள்ளதாக ஸிம்பாப்வேயின் முன்னாள் கிரிக்கெட் அணித் தலைவர் ப்றெண்டன் டெய்லர் தெரிவித்துள்ளார்.

அவர் தனது ட்விட்டர் பக்கத்தில் இந்திய வியாபாரி ஒருவர் ஆட்ட நிர்ணயத்தில் ஈடுபட தன்னை அழைத்த விடயத்தினை அவர் ஒப்புக்கொண்டுள்ளார்.

சர்வதேச கிரிக்கெட் பேரவையிடம் முறையிட தவறியதால் தனக்கு நீண்டகால தடை விதிக்கப்படும் என ப்றெண்டன் டெய்லர் குறிப்பிட்டுள்ளார்.

2019ஆம் ஆண்டில் அனுசரணை என்ற பெயரில் ஸிம்பாப்வேயில் இருபது 20 தொடர் ஒன்றினை ஏற்பாடு செய்யவிருப்பதாகவும், 15,000 அமெரிக்க டொலர்களை வழங்குவதாகவும் கூறி இந்திய வியாபாரி ஒருவர் டெய்லரை பேச்சுவார்த்தைக்கு அழைத்திருந்ததாக தெரிவிக்கப்படுகின்றது.

அந்த பேச்சுவார்த்தையை தொடர்ந்து கொக்கெய்ன் போதைப்பொருள் பாவித்திருந்ததாக குறிப்பிட்டிருக்கின்றார். 

பின்னர் அந்த குழு தான் தங்கியிருந்த ஹொட்டெலுக்கு வந்து தான் போதைப் பொருள் அருந்துவதை வீடியோவில் பதிவு செய்ததனை காட்டி தன்னை மிரட்டியகவும் டெய்லர் கூறியிருக்கின்றார்.

டெய்லரை மிரட்டிய குழுவினர் சர்வதேச கிரிக்கெட் போட்டிகளில் ஆட்ட நிர்ணயத்தில் ஈடுபட வேண்டும் என நிர்ப்பந்தம் செய்ததாகவும் எனவே, தனது சொந்த பாதுகாப்பினை கருத்திற்கொண்டே அக் குழுவின் நிர்ப்பந்தத்துக்கு பணிந்ததாகவும் அவர் கூறியுள்ளார். தெரிவித்திருக்கின்றார்.

இது தொடர்பாக சர்வதேச கிரிக்கெட் பேரவையிடம் முறைப்பாடு செய்யத் தவறியதால் தனக்கு நீண்டகாலத் தடை விதிக்கப்படும் என நம்புவதாகவும் அவர் கூறியுள்ளார்.

சர்வதேச கிரிக்கெட்டிலிருந்து கடந்த வருடம் ஓய்வுபெற்ற 35 வயதான ப்றெண்டன் டெய்லர் 205 சர்வதேச ஒருநாள் கிரிக்கெட் போட்டிகளிலும், 34 டெஸ்ட் போட்டிகளிலும், 45 சர்வதேச இருபது 20 கிரிக்கெட் போட்டிகளிலும் விளையாடியுள்ளார்.