தவறவிடாதீர்கள்..!உடனே பதிவு செய்யுங்கள்

முன்னாள் பராளுமன்ற உறுப்பினர் ரஞ்சன் ராமநாயக்கவுக்கு எதிராக தாக்கல் செய்யப்பட்ட இரண்டாவது நீதிமன்ற அவமதிப்பு வழக்கை எதிர்வரும் மார்ச் 9 ஆம் திகதி விசாரணைக்கு எடுத்துக்கொள்ள உயர் நீதிமன்றம் தீர்மானித்துள்ளது.

நீதிபதிகளான எஸ்.துரைராஜா, யசந்த கோதாகொட மற்றும் ஏ.எச்.எம்.டி நவாஸ் ஆகிய மூவரடங்கிய உச்ச நீதிமன்ற குழாம் முன்னிலையில் இந்த வழக்கு விசாரணைக்கு எடுத்துக் கொள்ளப்பட்ட போதே இந்த முடிவு அறிவிக்கப்பட்டுள்ளது.

நீதிமன்ற அவமதிப்பு குற்றச்சாட்டின் பேரில் தாக்கல் செய்யப்பட்ட ஒரு தனி வழக்கில் குற்றவாளி என நிரூபிக்கப்பட்ட பின்னர் அவர் தற்போது நான்கு ஆண்டுகள் சிறைத்தண்டனை அனுபவித்து வருகிறார்.

முன்னாள் பாராளுமன்ற உறுப்பினர் ராமநாயக்க இன்று காலை சிறைச்சாலை அதிகாரிகளால் நீதிமன்றத்திற்கு அழைத்து வரப்பட்டமையும் குறிப்பிடத்தக்கது.