தவறவிடாதீர்கள்..!உடனே பதிவு செய்யுங்கள்

தப்போவ சரணாலயத்தில் விடுவிப்பதற்கு மலைப்பாம்பை பிடிக்க முற்பட்ட வேளை வனஜீவராசிகள் திணைக்கள  பொருப்பதிகாரியை தீண்டியுள்ளது.

புத்தளம் பகுதியில் நேற்று முன்தினம் இரவு தோட்டமொன்றிற்குள் உட்புகுந்த  மலைப்பாம்பை அவதானித்த அப்பகுதி மக்கள் உயிருடன் பிடித்து வனஜீவராசிகள் கட்டுப்பாட்டுப் பிரிவு அலுவலகத்தில் ஒப்படைத்துள்ளனர்.

இந்நிலையில் ஒப்படைக்கப்பட்ட மலைப்பாம்பை நேற்று சரணாலயத்தில் விடுவிப்பதற்காக கடும் பிரியத்தனத்திற்கு மத்தியில் பிடிப்பதற்கு முற்பட்ட வேளை புத்தளம் வனஜீவராசிகள் திணைக்கள அதிகாரியை மலைப்பாம்பு தீண்டியுள்ளது.

இதன்போது கையில் காயம் ஏற்பட்டுள்ளதாக வனஜீவராசிகள் திணைக்கள அதிகாரிகள் தெரிவித்தனர்.

இந்நிலையில் மலைப்பாம்பை தப்போவ சரணாலயத்தில் விடுவித்ததாக வனஜீவராசிகள் திணைக்கள அதிகாரிகள் தெரிவித்தனர். 

குறித்த மலைப்பாம்பு சுமார் 9 அடி நீளமுடையாதக காணப்படுவதாக வனஜீவராசிகள் அதிகாரிகள் மேலும் தெரிவித்தனர்.

பாம்புகளைப் பிடிப்பதற்கான உரிய உபகரணங்கள் தம்மிடம் இல்லாமையினாலேயே மலைபாம்பு தீண்டுதலுக்கு உள்ளாகியதாக புத்தளம் வனஜீவாசிகள் கட்டுப்பாட்டுப் பிரிவினர் தெரிவித்தனர்.