இலங்கையின் புதிய கடன் பெறுவதற்கான பேச்சுவார்த்தை குறித்து சீன வெளிவிவகார அமைச்சின் பதில்

15 Jan, 2022 | 09:06 AM
image

(நா.தனுஜா)

சீனாவிடமிருந்து புதிதாக மற்றுமொரு கடனைப் பெறுவதற்கான பேச்சுவார்த்தைகளில் இலங்கை ஈடுபட்டுவரும் நிலையில், இலங்கையின் பொருளாதாரம் மற்றும் சமூக அபிவிருத்தி என்பவற்றுக்கு அவசியமான உதவிகளை வழங்குவதற்கு சீனா எப்போதும் தயாராக இருப்பதாக அந்நாட்டு வெளிவிவகார அமைச்சின் செயலாளர் வாங் வென்பின் தெரிவித்துள்ளார்.

 

இலங்கைக்குப் பெருமளவிலான இறக்குமதிகளை மேற்கொள்ளும் நாடுகளில் சீனா பிரதான இடத்தை வகிப்பதுடன் கடந்த காலங்களில் சீனா எமது நாட்டிற்குப் பல்வேறு உதவிகளையும் வழங்கியதாகக் கடந்த புதன்கிழமை ஏற்பாடு செய்யப்பட்டிருந்த ஊடகவியலாளர் சந்திப்பில் சுட்டிக்காட்டிய மத்திய வங்கியின் ஆளுநர் அஜித் நிவாட் கப்ரால், சீனாவிடமிருந்து புதிதாக மற்றுமொரு கடனைப் பெறுவதற்கான பேச்சுவார்த்தைகள் தற்போது முன்னெடுக்கப்பட்டுவருவதாகவும் தெரிவித்திருந்தார்.

 இவ்வாறானதொரு பின்னணியில் பெய்ஜிங்கில் நடைபெற்ற ஊடகவியலாளர் சந்திப்பில் ஆளுநர் அஜித் நிவாட் கப்ராலின் கருத்து தொடர்பில் எழுப்பப்பட்ட கேள்விக்குப் பதிலளிக்கையிலேயே சீன வெளிவிவகார அமைச்சின் செயலாளர் மேற்கண்டவாறு குறிப்பிட்டார்.

 இலங்கைக்கும் சீனாவிற்கும் இடையிலான இராஜதந்திரத்தொடர்புகள் ஆரம்பமானதிலிருந்தே இருநாடுகளும் பரஸ்பரம் புரிந்துணர்வையும் ஒத்துழைப்பையும் வெளிப்படுத்திவருகின்றன என்றும் அவர் இதன்போது சுட்டிக்காட்டினார்.

 'இலங்கையின் பொருளாதாரம் மற்றும் சமூக அபிவிருத்தி என்பவற்றுக்கு அவசியமான உதவிகளை சீனா எப்போதும் வழங்கிவந்திருப்பதுடன் எதிர்வருங்காலங்களிலும் அதனைத் தொடர்ந்து வழங்கும்' என்றும் அவர் குறித்த ஊடகவியலாளர் சந்திப்பில் தெரிவித்தார்.

 சீனாவிடமிருந்து புதிதாகக் கடன்களைப் பெறுவதற்கான பேச்சுவார்த்தைகள் தற்போது முன்னெடுக்கப்பட்டுவருகின்றன. பேச்சுவார்த்தைகள் ஓரளவிற்கு முன்னேற்றகரமான நிலையிலிருப்பதுடன் இறுதிக்கட்ட முடிவுகள் எடுக்கப்பட்டவுடன் அவைபற்றி அறிவிக்கப்படும் என்று அஜித் நிவாட் கப்ரால் கடந்த புதன்கிழமை அறிவித்திருந்தமை குறிப்பிடத்தக்கது. 

முக்கிய செய்திகள்

icon-left
icon-right

தொடர்பான செய்திகள்

news-image

அமைப்பு முறை மாற்றம் ஏற்பட்டால் மாத்திரமே...

2024-03-29 12:22:11
news-image

கரையோர மார்க்கத்தில் ரயில் சேவைகள் தாமதம்

2024-03-29 12:04:59
news-image

மக்களே அவதானமாக இருங்கள் ; சமூக...

2024-03-29 12:09:37
news-image

இரு மாணவர்கள் மின்சாரம் தாக்கி வைத்தியசாலையில்...

2024-03-29 12:02:26
news-image

தேர்தல் திருத்தச் சட்டம் : ஹக்கீம்...

2024-03-29 11:25:08
news-image

கூரிய ஆயுதத்தால் தாக்கப்பட்டு ஒருவர் கொலை...

2024-03-29 11:11:34
news-image

பிளவை நோக்கி பொதுஜனபெரமுன- டெய்லிமிரர்

2024-03-29 09:59:01
news-image

எந்த தேர்தலில் முதலில் நடைபெறவேண்டும் என்பதை...

2024-03-29 09:42:41
news-image

இன்று பெரிய வெள்ளி

2024-03-29 09:47:02
news-image

முல்லைத்தீவு புதுக்குடியிருப்பில் கசிப்பு உற்பத்தி நிலையம்...

2024-03-29 09:20:02
news-image

பொது சுகாதார பரிசோதகர் மீது துப்பாக்கிச்...

2024-03-29 09:27:51
news-image

இன்றைய வானிலை

2024-03-29 06:43:30