தவறவிடாதீர்கள்..!உடனே பதிவு செய்யுங்கள்

(ஆர்.ராம்)

சீன வெளிவிவகார அமைச்சர் வாங் யி நேற்று இரவு 18 பேர் அடங்கிய தூதுக்குழுவினருடன் இலங்கைக்கு வருகை தந்துள்ளார்.

மலைதீவிலிருந்து இருநாள் பயணமாக இலங்கைக்கு வருகை தந்துள்ள அவர்,  ஜனாதிபதி கோட்டாபய ராஜபக்ஷ, பிரதமர் மஹிந்த ராஜபக்ஷ, வெளிவிவகார அமைச்சர் ஜிஎல்.பீரிஸ் ஆகியோரைச் சந்திக்கவுள்ளார்.

இதன்போது, சீனாவுக்கும் இலங்கைக்கும் இடையிலான இருதரப்பு உறவுகளை ஊக்குவிக்கும் உடன்படிக்கையொன்றும்  கைச்சாத்திடப்படவுள்ளது,

மேலும், இரண்டு நாடுகளுக்கும் இடையிலான இராஜதந்திர உறவுகள் ஏற்பட்டு 65 ஆவது ஆண்டு நிறைவு மற்றும், வரலாற்று சிறப்புமிக்க இறப்பர்- அரிசி உடன்பாட்டின் 70 ஆவது ஆண்டு நிறைவைக் குறிக்கும் வகையில் நடைபெறும் நிகழ்வில், ஜனாதிபதி கோட்டாபய ராஜபக்ஷ, பிரதமர் மஹிந்த ராஜபக்ஷ ஆகியோருடன் சீன வெளிவிவகார அமைச்சது வா ங் யியும் பங்கேற்கவுள்ளார்.

இந்த நிகழ்வு கொழும்பு துறைமுக வளாகத்தில் நடைபெறவுள்ளதாக தெரிவிக்கப்படுகின்றது.