தவறவிடாதீர்கள்..!உடனே பதிவு செய்யுங்கள்

தமிழ் திரை உலகத்தின் லேடி சூப்பர் ஸ்டாராக வலம் வரும் நயன்தாரா நடிப்பில் தயாராகி இருக்கும் 'ஓக்சிஜன்' என்ற புதிய திரைப்படமும், பட மாளிகையில் வெளியாகாமல் நேரடியாக டிஜிட்டல் தளத்தில் வெளியாக இருப்பதாக தகவல்கள் தெரிவிக்கின்றன.

அறிமுக இயக்குநர் ஜி. கே. விக்னேஷ் இயக்கத்தில் தயாராகி வரும் புதிய திரைப்படம் 'ஓக்சிஜன்'. ட்ரீம் வாரியர் பிக்சர்ஸ் என்ற பட நிறுவனம் பிரம்மாண்டமான பொருட்செலவில் தயாரித்து வரும் இந்த திரைப்படத்தில் லேடி சூப்பர் ஸ்டார் நயன்தாரா கதையின் நாயகியாக நடித்து வருகிறார். 

இப்படத்தின் படப்பிடிப்பு அண்மையில் நிறைவடைந்தது. இதனைத் தொடர்ந்து இறுதிகட்ட பணிகள் விறுவிறுப்பாக நடைபெற்று வருகிறது. 

இந்நிலையில் இந்த திரைப்படத்தை டிஜிட்டல் தளத்தில் வெளியிட முன்னணி டிஜிட்டல் நிறுவனங்கள், தயாரிப்பு நிறுவனத்துடன் பேச்சுவார்த்தை நடத்தி வருகின்றன. இது தொடர்பான அதிகாரப்பூர்வமான அறிவிப்பு விரைவில் வெளியாகும் என எதிர்பார்க்கப்படுகிறது.

நயன்தாரா நடிப்பில் தயாரான 'மூக்குத்தி அம்மன்', 'நெற்றிக்கண்' ஆகிய இரண்டு படங்களும் டிஜிட்டல் தளத்தில் வெளியாகி வெற்றி பெற்றது என்பது குறிப்பிடத்தக்கது.

நடிகை நயன்தாரா தற்போது 'காத்துவாக்குல ரெண்டு காதல்' மற்றும் 'கனெக்ட்' ஆகிய படங்களில் நடித்து வருகிறார். இதனிடையே இவரது தயாரிப்பில் வெளியாகவிருக்கும் 'ராக்கி' படத்தின் வணிகத்திற்காக இவர் பங்குபற்றும் ப்ரோமோ பாடல் ஒன்று வெளியாகி, ரசிகர்களை கவர்ந்து வருகிறது.