தவறவிடாதீர்கள்..!உடனே பதிவு செய்யுங்கள்

நிதி அமைச்சர் பசில் ராஜபக்ஷ தனிப்பட்ட விஜயமொன்றை மேற்கொண்டு இன்று டுபாய் சென்றுள்ளார்.

கட்டுநாயக்க விமான நிலையத்தில் இருந்து இன்று அதிகாலை 02.55 மணியளவில் எமிரேட்ஸ் எயார்லைன் விமானத்தில் அமைச்சர் பஷில் ராஜபக்ஷ தனது மனைவியுடன் நாட்டை விட்டு வெளியேறியதாக தெரிவிக்கப்படுகிறது.

திங்கட்கிழமை ஜனாதிபதி கோட்டாபய ராஜபக்ஷ தனிப்பட்ட விஜயமொன்றை மேற்கொண்டு நாட்டிலிருந்து சிங்கப்பூர் சென்றார்.

ஜனாதிபதியின் செய்தித் தொடர்பாளர் கிங்ஸ்லி ரத்நாயக்க, வெளியேறியதை உறுதிப்படுத்திய போதிலும், தனிப்பட்ட காரணங்களுக்காக ஜனாதிபதியின் அட்டவணை குறித்த விவரங்களை வெளியிட முடியாது என்று கூறினார்.

ஜனாதிபதியின் பயணத்தையடுத்து, அமைச்சரவைக் கூட்டம் பிரதமர் மஹிந்த ராஜபக்ஷ தலைமையில் திங்கட்கிழமை (13) மாலை இடம்பெற்றமையும் குறிப்பிடத்தக்கது.