தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

முல்லேரியா - மீகஹவத்தை பகுதியில் கடந்த ஒக்டோபர் 26 ஆம் திகதி இடம்பெற்ற துப்பாக்கிசூட்டு சம்பவத்துடன் தொடர்புடைய ஆறாவது சந்தேகநபர் கைது செய்யப்பட்டுள்ளதாக பொலிஸ் ஊடகப்பிரிவு தெரிவித்துள்ளது.

இந்த சம்பவத்துடன் தொடர்புடைய ஐந்து சந்தேகநபர்கள் கடந்த நவம்பர் மாதம் கைது செய்யப்பட்டிருந்த நிலையில் , ஆறாவது சந்தேகநபர் நேற்று கொழும்பு - வாழைத்தோட்டம் பகுதியில் கொழும்பு குற்றத்தடுப்பு பிரிவினரால் கைது செய்யப்பட்டுள்ளார்.

இவ்வாறு கைது செய்யப்பட்டுள்ளவர் 28 வயதுடைய அநுராதபுரம் பிரதேசத்தைச் சேர்ந்தவராவார். 

இவர் வெளிநாட்டிலிருந்து திட்டமிட்ட குற்றச் செயல்களில் ஈடுபடும் குழுவினருடன் தொடர்புகளைப் பேணுபவர் என்பதோடு , போதைப் பொருள் கடத்தலில் ஈடுபடுபவர் என்றும் விசாரணைகளில் தெரியவந்துள்ளது.