தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

பேலியகொட பொலிஸ் பிரிவில் இறைச்சி விற்பனை நிலையத்திற்கு அருகிலுள்ள பகுதியில் கூரிய ஆயுதத்தால் தாக்கப்பட்டு கடந்த வெள்ளிக்கிழமை நபரொருவர் கொல்லப்பட்டுள்ளதாக பொலிஸ் ஊடகப்பிரிவு தெரிவித்துள்ளது.

இவ்வாறு கொலை செய்யப்பட்டவர் 33 வயதுடைய பேலியகொடை , மீகஹாவத்தை பிரதேசத்தைச் சேர்ந்தவராவார்.

சம்பவம் தொடர்பில் நேற்று சனிக்கிழமை பேலியகொட பொலிஸ் நிலையத்திற்கு கிடைக்கப் பெற்ற தகவலுக்கமைய மேற்கொள்ளப்பட்ட விசாரணைகளுக்கமைய இரு சந்தேகநபர்கள் கைது செய்யப்பட்டுள்ளனர்.

இவ்வாறு கைது செய்யப்பட்டுள்ளவர்கள் 42 மற்றும் 45 வயதுகளையுடைய பேலியகொட பிரதேசத்தைச் சேர்ந்தவர்களாவர். பேலியகொட பொலிஸார் சம்பவம் தொடர்பில் மேலதிக விசாரணைகளை முன்னெடுத்து வருவதாக பொலிஸ் ஊடகப்பிரிவு மேலும் தெரிவித்துள்ளது.