தவறவிடாதீர்கள்..!உடனே பதிவு செய்யுங்கள்

குருணாகல் மாவட்டத்தில் நிலவும் மழை காரணமாக தெதுரு ஓயா நீர்த்தேக்கத்தின் வான்கதவுகள் திறக்கப்பட்டுள்ளதால் பல பிரதேசங்களில் வெள்ள அபாயம் ஏற்பட்டுள்ளதாக நீர்ப்பாசன திணைக்களம் தெரிவித்துள்ளது.

அதன்படி பிங்கிரிய, சிலாபம் மற்றும் புத்தளம் பிரதேசங்களின் தாழ்நிலப் பகுதிகளில் சிறு வெள்ள அபாயம் ஏற்பட்டுள்ளது.

தெதுரு ஓயா நீர்த்தேக்கத்தின் வான் கதவுகள் திறக்கப்பட்டுள்ளதனால், அதிலிருந்து வினாடிக்கு 27,500 கன மீற்றர் வீதம் நீர் வெளியேறி வருவதாக நீர்ப்பாசன திணைக்களத்தின் நீர் முகாமைத்துவ பணிப்பாளர் டி அபேசிறிவர்தன தெரிவித்துள்ளார்.

அதனால் குறித்த நீர் நிலைகளை அண்மித்த பகுதிளின் வீதிகள் வெள்ளத்தில் மூழ்கும் அபாயம் காணப்படுவதாகவும், பொதுமக்கள் அவதானத்துடன் செயற்படுமாறும் அவர் கேட்டுக்கொண்டுள்ளார்.