இலங்கை தேசிய அபிவிருத்தி மகளிர் கிரிக்கெட் குழாத்தில் யாழைச் சேர்ந்த இரு வீராங்கனைகள்

21 Nov, 2021 | 12:36 PM

( எம்.எம்.சில்வெஸ்டர் )

20 பேர் கொண்ட 21 வயதுக்குட்பட்ட இலங்கை தேசிய அபிவிருத்தி மகளிர் கிரிக்கெட் குழாத்துக்கு யாழ்ப்பாணத்தைச் சேர்ந்த வீராங்கனைகள் இருவர் இடம்பெற்றுள்ளமை யாழ் மாவட்ட கிரிக்கெட் சங்கத்துக்கு கிடைத்த மாபெரும் வெற்றியாகும்.

யாழ். தெள்ளிப்பழை, மகாஜனக் கல்லூரியின் பழைய மாணவியான ஷானு பாஸ்கரன், யாழ்.ஸ்கந்தவரோதயா கல்லூரியின் பழைய மாணவியான மதுரிகா முரளிதாசன் ஆகிய இரண்டு வீராங்கனைகளே மேற்படி இலங்கை அபிவிருத்தியடைந்துவரும் 21 வயதுக்குட்டபட்ட அணியில் இடம்பிடித்த வீராங்கனைகளாவர்.

இதில், ஷானு பாஸ்கரன் இலங்கை தேசிய கால்பந்தாட்ட அணிக்காகவும் விளையாடியிருந்தமை விசேட அம்சமாகும்.

நாடு தழுவிய ரீதியில் தெரிவு செய்யப்பட்ட 120 வீராங்கனைகள் கொண்ட கிரிக்கெட் பயிற்சி முகாம் அண்மைக் காலங்களில் நடத்தப்பட்டு வந்தது. இந்த பயிற்சி முகாம்களில் சிறந்த ஆற்றல்களையும் திறமைகளையும் வெளிப்படுத்தியிருந்த வீராங்கனைகள் இந்த குழாத்தில் இடம் பிடித்தனர்.

இவர்கள் இம்மாதம் முதலாம் திகதி முதல் அடுத்தாண்டு ஜனவரி மாதம் 31 ஆம் திகதி வரையான 3 மாத கால மேலதிக பயிற்சி பாசறைகளில் பங்கேற்கவுள்ளனர். இந்த 3 மாத காலத்தை நிறைவு செய்தவர்கள் ஸ்ரீ லங்கா கிரிக்கெட் நிறுவனத்தால் நடத்தப்படும் மாகாண மற்றும் மாவட்ட கிரிக்கெட் போட்டிகளில் உள்வாங்கப்படுவார்கள் என ஸ்ரீ லங்கா கிரிக்கெட் நிறுவனம் தெரிவிக்கிறது.

குழாம் விபரம்

1.ரந்தி பிரேமரத்ன - புனித சூசையப்பர் கல்லூரி,கேகாலை.

2.சன்சலா வனிகசேகர - நுகவெல மத்திய கல்லூரி, கண்டி.

3.தருஷி ராஜகருணா - நுகவெல மத்திய கல்லூரி, கண்டி.

4.எஸ்.எச்.மஹேஷிகா - புனித சூசையப்பர் கல்லூரி,கேகாலை.

5. நிமேஷா தருணி – மாரப்பொல மகா வித்தியாலயம் ,கேகாலை.

6. நவோத்யா நெத்மினி – வாதுவ மத்திய கல்லூரி,களுத்துறை.

7.இமொக்சா பாஷினி – வாதுவ மத்திய கல்லூரி,களுத்துறை.

8. சாவிந்தி நிமல்ஷா – வாதுவ மத்திய கல்லூரி,களுத்துறை.

9.மனோஹரி நிசன்சலா – வாதுவ மத்திய கல்லூரி,களுத்துறை.

10. சுலேஷா சத்சரணி – தேவபத்திராஜ கல்லூரி, காலி.

11.சேத்தனா விமுக்தி – பெல்வத்த மகா வித்தியாலயம், மொனராகலை.