தவறவிடாதீர்கள்..!உடனே பதிவு செய்யுங்கள்

காலி, மாகொல்ல மீன்பிடி துறைமுகத்தில் இருந்து புறப்பட்ட பல நாள் மீன்பிடி படகு ஒன்றில் பயணித்த நபர் ஒருவர் கடலில் விழ்ந்து காணாமல் போயுள்ளார்.

கடந்த 9 ஆம் திகதி மாகொல்ல மீன்பிடி துறைமுகத்தில் இருந்து இழுவை படகு புறப்பட்டு சென்ற நிலையில், அதில் பயணித்த மீனவர் ஒருவர் நேற்று (20) பிற்பகல் கடலில் தவறி விழுந்து காணாமல் போனதாக காலி துறைமுக பொலிஸாருக்கு முறைப்பாடு கிடைத்துள்ளது.

குறித்த நபர் மீன்பிடி துறைமுகத்தில் இருந்து சுமார் 400 கடல் மைல் தொலைவில் கடலில் விழுந்து காணாமல் போனதாக தெரியவந்துள்ளது.

காணாமல் போனவர் ரத்கம பகுதியைச் சேர்ந்த 25 வயதுடையவர் ஆவார்.

காணாமல் போனவரை தேடும் நடவடிக்கையை காலி துறைமுக பொலிஸாரும் கடற்படையினரும் இணைந்து மேற்கொண்டு வருகின்றனர்.