3 நாட்களுக்கு 8 மில்லியன் அமரிக்க டொலர் நட்ட ஈடு கோரும்  சீன உர நிறுவனம் : கொழும்பு துறைமுகத்தை அண்மித்து திரும்பிய கப்பல்

09 Nov, 2021 | 07:05 AM
image

(எம்.எப்.எம்.பஸீர்)

சீனாவில் இருந்து சேதனப் பசளையை இலங்கைக்கு வழங்க  ஒப்பந்தம் செய்யப்பட்டுள்ள குவிங்டாவோ சீவிங் பயோடெக் குறூப் லிமிடட் நிறுவனம், தேசிய தாவரங்கள் தொற்றுநீக்கி தனிமைப்படுத்தும் சேவை நிலையத்திடமிருந்து மூன்று நாட்களுக்குள் 8 மில்லியன்  அமரிக்க டொலர்களை கோரி ' லெட்டர் ஒப் டிமான்ட்' என பரவலாக அறியபப்டும் இழப்பீட்டு கோரிக்கை கடிதத்தை அனுப்பியுள்ளது.

சட்டத்தரணி எம்.ஜே.எஸ். பொன்சேகா ஊடாக, தேசிய தாவரங்கள் தொற்றுநீக்கி தனிமைப்படுத்தும் சேவை நிலைய பிரதிப் பணிப்பாளர் டப்ளியூ.ஏ.ஆர்.டி. விக்ரமராச்சியை விழித்து இந்த கடிதம் அனுப்பட்டுள்ளது.

தேசிய தாவரங்கள் தொற்றுநீக்கி தனிமைப்படுத்தும் சேவை நிலையத்தின் அலட்சிய நடவடிக்கையால், தமது நிறுவனத்தின் நற் பெயருக்கு ஏற்பட்டுள்ள பாதிப்புக்களுக்காக இந்த  தொகையை குறித்த நிறுவனம் கோருவதாக தெரிவிக்கப்பட்டுள்ளது.

எவ்வாறாயினும் இந்த இழப்பீட்டு கோரிக்கை கடிதம் தொடர்பாக விவசாய பணிப்பாளர் அஜந்த டி சில்வாவிடம் வினவிய போதும், தனிப்பட்ட ரீதியில் அவ்வாறான கடிதம் ஒன்று கிடைத்துள்ளமை தொடர்பில் தான் அறியவில்லை என தெரிவித்தார்.

இதனிடையே, சீனாவிடமிருந்து நாட்டிற்கு சேதன பசளையை கொண்டுவரும் ' ஹிப்போ ஸ்பிரிட் '  கப்பல் அல்லது செயோ எக்ஸ்புளோரர்  எனும் பெயரால் அறியப்படும்  கப்பல் பேருவளை கடலில் அவதானிக்கப்பட்டது.

கொழும்பு துறைமுக நுழைவுப் பகுதிக்கு அப்பால் உள்ள கடலுக்கு சென்றுள்ள இந்த கப்பல், அங்கு நக்கூரமிட்டு தண்ணீர் உள்ளிட்ட தேவையான பொருட்களை கொழும்பு துறைமுகத்திலிருந்து பெற்றுக்கொண்டு மீள களுத்துறை - பேருவளை கடல் பரப்பில் மிதந்துகொண்டிருப்பதாக துறைமுக மா அதிபர் அலுவலக தகவல்கள் தெரிவித்தன.

குவிங்டாவோ சீவிங் பயோடெக் குறூப் லிமிடட் நிறுவனத்துடன் சேதனப் பசளை இறக்குமதி ஒப்பந்தம் செய்யப்பட்ட போதும், தேசிய தாவரங்கள் தொற்றுநீக்கி தனிமைப்படுத்தும் சேவை நிலையம், சேதனப் பசளையில் தீங்கு விளைவிக்கும் பக்டீரியாக்கள் அடங்கியுள்ளதாக  மாதிரிகளை பரிசோதித்து கண்டறிந்தது. இரு முறை இடம்பெற்ற பரிசோதனைகளில் அது உறுதி செய்யப்பட்ட நிலையில் இலங்கை குறித்த சேதனப் பசளையை நிராகரித்தது.

முக்கிய செய்திகள்

icon-left
icon-right

தொடர்பான செய்திகள்

news-image

கொழும்பில் மின்சாரம் தாக்கி இராணுவ வீரர்...

2023-01-28 12:38:19
news-image

யாழில் தாய்ப்பால் புரைக்கேறி 30 நாட்களேயான...

2023-01-28 12:49:03
news-image

மட்டு கரடியனாற்றில் 16 மாடுகள் கடத்தல்...

2023-01-28 12:49:37
news-image

பயங்கரவாத தடைச்சட்டத்தின் கீழ் கைதுசெய்யப்பட்டுள்ள வசந்த...

2023-01-28 12:06:00
news-image

தமிழர்களுக்கான தீர்வுகளை வலியுறுத்தி சுதந்திரதினத்தன்று யாழிலிருந்து...

2023-01-28 11:38:21
news-image

3 இந்திய மீன்பிடிப் படகுகள் அரசுடமையாக்கப்பட்டன

2023-01-28 11:21:37
news-image

வாழைச்சேனையில் போதைப்பொருள் பாவனைக்கு எதிராக கண்டன...

2023-01-28 11:38:57
news-image

பாதுகாப்பு, செழிப்பினை தொடர்ந்தும் முன்னேற்ற நாங்கள்...

2023-01-28 11:07:07
news-image

மீற்றர் வட்டி விவகாரம் ; மேலும்...

2023-01-28 11:00:53
news-image

தேர்தல் முடியும்வரை புதிய ஆணைக்குழு அமைப்பதை...

2023-01-28 10:49:46
news-image

சகோதரனுக்காக நாட்டின் அரசியலமைப்பை மாற்றிய உலகில்...

2023-01-28 10:55:50
news-image

இக்கட்டான நிலைமையில் ஒத்துழைப்பு வழங்கிய இந்திய...

2023-01-28 10:26:02