தவறவிடாதீர்கள்..!உடனே பதிவு செய்யுங்கள்

ஜேர்மனியில் ரயிலில் ஒருவர் நடத்திய கத்திக்குத்து தாக்குதலில் 3 பேர் காயமடைந்துள்ளதாக அந்நாட்டுப் பொலிஸார் தெரிவித்தனர்.

ஐரோப்பிய நாடுகளில் ஒன்றான ஜேர்மனியில் அண்மைக் காலமாக பயங்கரவாத அச்சுறுத்தல் அதிகரித்துள்ளது.

கடந்த 2015 ஆம் ஆண்டுக்கு பிறகு அங்கு அவ்வப்போது  பயங்கரவாத ஆதரவு நபர்களால் தாக்குதல் நடத்தும் போக்கு காணப்படுகிறது. 

கடந்த ஜூன் மாதம் ஜேர்மனியின் வுர்பர்க் நகரில் சோமாலிய நாட்டை சேர்ந்த ஒருவர் நடத்திய கத்திக்குத்து தாக்குதலில் 3 பேர் உயிரிழந்தனர்.

இந்த தாக்குதல் ஐரோப்பிய  நாடுகளில் அதிர்வலைகளை ஏற்படுத்தியது. 

இந்த நிலையில், ஜேர்மனியில் பவாரியா நகரில் அதிவேக ரயிலில் கத்திக்குத்து தாக்குதல் நடைபெற்றுள்ளது. 

இந்த தாக்குதலில் 3 பேர் காயம் அடைந்துள்ளனர். கத்திக் குத்து தாக்குதல் நடத்திய நபர் கைது செய்யப்பட்டுள்ளார். 

தாக்குதல் நடத்தியவரின் பின்னணி மற்றும் அவரின் நோக்கம் குறித்து பொலிசார் தீவிர விசாரணை நடத்தி வருகின்றனர்.