L-410 இலகு இயந்திரம் கொண்ட விமானமொன்று ரஷ்யாவின் டாடர்ஸ்தான் குடியரசு பகுதியில் விபத்துக்குள்ளானதாக பிராந்திய அவசர அமைச்சகம் இன்று தெரிவித்துள்ளது.

விபத்தின் போது விமானத்தில் 21 பாராசூட்டிஸ்டுகள் மற்றும் இரண்டு குழு உறுப்பினர்கள் இருந்ததை பிராந்திய அவசர அமைச்சகம் உறுதிபடுத்தியுள்ளது.

இவர்களில் ஏழு பயணிகள் மீட்கப்பட்டதாக கூறப்படுகிறது.

தொழில்நுட்பக் கோளாறு விபத்தை ஏற்படுத்தியிருக்கலாம் என ஆதாரங்களை மேற்கோள்காட்டி ரஷ்ய ஊடகங்கள் செய்தி வெளியிட்டுள்ளன. 

விபத்தில் எத்தனை பேர் உயிரிழந்தர்கள் என்பது தெளிவாக கூறப்படவில்லை.