தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

நுவரெலியா மாவட்டம் - ராகல தோட்டம் மத்திய பிரிவில் நேற்று வியாழக்கிழமை இரவு வீடொன்றில் ஏற்பட்ட தீ விபத்தில் ஒரே குடும்பத்தைச் சேர்ந்த ஐவர் தீக்கிரையாகி உயிரிழந்துள்ளதாக பொலிஸ் பேச்சாளர் சிரேஷ்ட பொலிஸ் அத்தியட்சகர் நிஹால் தல்துவ தெரிவித்தார்.

இவ்வாறு உயிரிழந்தவர்களில் 60 வயதுடைய ஆணொருவரும், 55 மற்றும் 32 வயதுகளையுடைய பெண்கள் இருவரும் , 11 வயதுடைய சிறுவனொருவரும் , ஒரு வயதுடைய குழந்தையொன்றும் உள்ளடங்குகின்றனர்.

பொலிஸ் குற்ற விசாரணைப்பிரிவினரால் தீவிபத்து இடம்பெற்ற இடம் சோதனைக்குட்படுத்தப்பட்டுள்ளது. சம்பவம் தொடர்பில் வலப்பனை நீதவான் நீதிமன்றத்திற்கு அறிவிக்கப்பட்டு பிரேத பரிசோதனைகள் முன்னெடுக்கப்படவுள்ளன.  

தீ விபத்திற்கான காரணம் இன்று வரை இனங்காணப்பட்டிருக்காத நிலையில், அது தொடர்பில் ராகல பொலிஸார் மேலதிக விசாரணைகளை முன்னெடுத்து வருவதாகவும் பொலிஸ் பேச்சாளர் மேலும் தெரிவித்தார்.