தவறவிடாதீர்கள்..!உடனே பதிவு செய்யுங்கள்

பெங்களூரு அணிக்கு எதிரான நேற்றைய ஐ.பி.எல். ஆட்டத்தில் சன் ரைஸர்ஸ் ஹைதராபாத் 4 ஓட்டங்களினால் வெற்றி பெற்றுள்ளது.

2021 இந்தியன் பிரீமியர் லீக் தொடரின் 52 ஆவது போட்டி நேற்றிரவு அபுதாபியில் விராட் கோஹ்லி தலைமையிலான ரோயல் செலஞ்சர்ஸ் பெங்களூரு - கேன் வில்லியம்சன் தலைமையிலான சன் ரைஸர்ஸ் ஹைதராபாத் அணிகளுக்கு இடையில் ஆர்மபமானது.

போட்டியில் நாணய சுழற்சியில் வெற்றி பெற்ற பெங்களூரு அணி முதலில் துடுப்பெடுத்தாடும் வாய்ப்பினை ஹைதராபாத்துக்கு வழங்கியது.

அதற்கிணங்க முதலில் துடுப்பெடுத்தாடிய ஹைதராபாத்தும் நிர்ணயிக்கப்பட்ட 20 ஓவர்கள் நிறைவில் 7 விக்கெட்டுகளை இழந்து 141 ஓட்டங்களை பெற்றது.

அணி சார்பில் அதிகபடியாக ஜேசன் ராய் 44 ஓட்டங்களையும், கேன் வில்லியம்சன் 31 ஓட்டங்களையும் அதிகபடியாக பெற்றனர்.

142 என்ற வெற்றியிலக்கை நோக்கி பதிலுக்கு துடுப்பெடுத்தாடிய பெங்களூரு அணியால் 20 ஓவர்கள் நிறைவில் 6 விக்கெட்டுகளை இழந்து 137 ஓட்டங்களை மாத்திரம் பெற முடிந்தது.

அணி சார்பில் அதிகபடியாக தேவ்தூத் படிக்கல் 41 ஓட்டங்களையும் மெக்ஸ்வெல் 40 ஓட்டங்களையும் பெற்றனர்.

இதன் மூலம் ஹைதராபாத் அணி 4 ஓட்டங்களினால் வெற்றி பெற்றது.

இதேவேளை இன்று மாலை டுபாயில் நடைபெறும் 53 ஆவது லீக் ஆட்டத்தில் சென்னை - பஞ்சாப் அணிகள் மோதவுள்ளன.

அதேநேரம் இரவு 7.30 மணிக்கு சார்ஜாவில் ஆரம்பமாகும் 54 ஆவது ஆட்டத்தில் கொல்கத்தா - ராஜஸ்தான் ஆகிய அணிகள் மோதவுள்ளன.

Photo Credit ; ‍IPL