தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

முடக்கம் தளர்த்தப்பட்டதன் பின்னரான  கட்டுப்பாடுகள் தொடர்பில் இதற்கு முன்னர் வெளியிடப்பட்ட சுற்று நிரூபமே இம்முறையும் வெளியிடப்படும் என தெரிவித்த பிரதி சுகாதார சேவைகள் பணிப்பாளர் நாயகம் விசேட வைத்திய நிபுணர் ஹேமந்த ஹேரத், சுகாதார வழிமுறைகளை பின்பற்றி பொதுமக்கள்  கட்டுப்பாடுடன் செயற்பட வேண்டும் எனவும் குறிப்பிட்டார்.

கொழும்பில் இன்று வியாழக்கிழமை நடைபெற்ற ஊடகவியலாளர் சந்திப்பில் இதனைத் தெரிவித்த அவர் மேலும் குறிப்பிடுகையில் ,

கொவிட் தடுப்பூசி வழங்கல் மற்றும் போக்குவரத்து கட்டுப்பாடுகள் ஆகிய இரு செயற்பாடுகளின் காரணமாகவே தற்போது கொவிட் தொற்றாளர் மற்றும் மரணங்களின் எண்ணிக்கை குறைவடைந்துள்ளன.

எனவே தான் இரு கட்டங்களாகவும் தடுப்பூசியைப் பெற்றுக் கொண்ட போதிலும் , போக்குவரத்து கட்டுப்பாடுகளை கடைபிடிக்காவிட்டால் கொவிட் பரவலைத் தடுக்க முடியாது என்பதை தொடர்ச்சியாக வலியுறுத்தினோம்.

கொவிட் தொற்று பரவல் காரணமாக ஏற்படக் கூடிய அபாயத்தை ஒரு தரப்பினர் மாத்திரம் சுமத்த முடியாது. அதேவேளை நீண்ட நாட்களுக்கு நாடு முடக்கப்படுவதன் மூலம் ஏற்படக் கூடிய பாதிப்புக்கள் மதிப்பிட முடியாதவை. அதனைக் கருத்திற் கொண்டு நாட்டை முடிந்தளவிற்கு விரைவாக திறப்பதே தற்போதைய தேவையாகவுள்ளது என்று தெரிவித்தார்.