தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

பொலிஸ் விசேட அதிரடிப்படையினர் மற்றும் பொலிஸாரால் நாட்டின் சில பிரதேசங்களில் முன்னெடுக்கப்பட்ட சுற்றிவளைப்புக்களில் சட்ட விரோத மதுபானத்துடன் சந்தேகநபர்கள் நால்வர் கைது செய்யப்பட்டுள்ளதாக பொலிஸ் ஊடகப்பிரிவு தெரிவித்துள்ளது.

பொலிஸ் விசேட அதிரடிப்படையினரால் ராகமை பொலிஸ் பிரிவில் முன்னெடுக்கப்பட்ட சுற்றிவளைப்பில் 330 லீற்றர் சட்டவிரோத மதுபானம், 1660 லீற்றர் கோடா, 5 சமையல் எரிவாயு சிலிண்டர்கள், எரிவாயு அடுப்பு என்பவற்றுடன் 25, 34 வயதுடைய ராகம பிரதேசத்தைச் சேர்ந்த சந்தேகநபர்கள் இருவர் கைது செய்யப்பட்டுள்ளனர்.

இதேபோன்று கதிர்காமம் பொலிஸ் பிரிவில் கதிர்காமம் பொலிஸாரால் முன்னெடுக்கப்பட்ட சுற்றி வளைப்பில் 20 லீற்றர் சட்ட விரோத மதுபானத்துடன் 41 வயதுடைய தெடலமுவ பிரதேசத்தைச் சேர்ந்த சந்தேகநபரொருவர் கைது செய்யப்பட்டுள்ளார்.

வேயங்கொட பொலிஸ் பிரிவில் பொலிஸாருக்கு கிடைக்கப் பெற்ற தகவலுக்கமைய முன்னெடுக்கப்பட்ட சுற்றி வளைப்பில் 67 லீற்றர் சட்ட விரோத மதுபானம் , 717 லீற்றர் கோடா என்பவற்றுடன் 50 வயதுடைய சந்தேகநபரொருவர் கைது செய்யப்பட்டுள்ளதாக பொலிஸ் ஊடகப்பிரிவு மேலும் தெரிவித்துள்ளது.