சென்னை பொலிஸார் சிம்­பு­வுக்கும் அனி­ருத்­துக்கும் எதி­ரான ஆதா­ரங்­களை தற்­போது சேக­ரித்து வரு­வ­தாக தெரி­விக்­கப்­ப­டு­கி­றது.

சிம்பு, அனிருத் கூட்­ட­ணியில் வெளி­யான பீப் பாடல் கடந்த வாரம் இணை­ய­த­ளங்­களில் வெளி­யாகி பெரும் சர்ச்­சை­யை ஏற்­ப­டுத்­தி­யது.

இது குறித்து பொலிஸ் தரப்பில் கூறும்­போது "பிரச்­சி­னைக்­கு­ரிய ஆபாச பாடல் வெளி­யான விவ­கா­ரத்தில், சம்­பந்­தப்­பட்ட நடிகர் சிம்பு அதனை நான் வெளி­யி­ட­வில்லை என்று கூறியிருக்­கிறார்.

யூடியூப் மூல­மா­கவே அந்த பாடல் வெளியில் வந்­துள்­ளது. அப்­ப­டி­யென்றால் சிம்பு பாடி இருப்­ப­தாக கூறப்­படும் பாடலை வெளி­யிட்­டவர் யார்? என்­பதை முதலில் கண்­டு­பி­டிக்க வேண்டும். அதற்­கான முயற்­சி­களில் ஈடு­பட்டுள்ளோம். அந்த நபர் பிடி­பட்டால் அவர் அளிக்கும் தக­வல்­களின் அடிப்­ப­டையில் அடுத்­த­கட்ட விசா­ர­ணைக்கு செல்வோம்.

சர்ச்­சைக்­கு­ரிய பாடலை சிம்­புதான் பாடி­னாரா? என்­ப­தையும் உறு­தி­ப்ப­டுத்த வேண்டும். இதற்­காக ‘வாய்ஸ் டெஸ்ட்' என்று அழைக்­கப்­படும் குரல் பரி­சோ­த­னையும் நடத்­தப்­பட வேண்­டி­யுள்­ளது. இந்த சோத­னையை தட­ய­வியல் நிபு­ணர்­களே நடத்­து­வார்கள். அவர்கள் சிம்­புவை வர­வ­ழைத்து சம்­பந்­தப்­பட்ட பாடல் வரி­களை பாடச்­சொல்லி அதனை பதிவு செய்து வைத்துக் கொள்­வார்கள். பின்னர் இணை­ய­த­ளத்தில் வெளி­யான பாட­லுடன் அதனை ஒப்­பிட்டு பார்த்து இரண்­டுக்கும் ஒரே குரல் தானா? என்­பதை ஆய்வு செய்­வார்கள்.

இப்­படி திரட்­டப்­படும் ஆதா­ரங்­களின் உண்மை தன்மையை வைத்தே சிம்புவுக்கு எதிராக நடவடிக்கை எடுக்க முடியும். அதற்காகத்தான் காத்திருக்கிறோம்". என்று சென்னை பொலிஸார் தரப்பில் தெரிவிக்கப்பட்டுள்ளது.