கொழும்பு மாநகர ஆணையாளரின் நடவடிக்கைக்கு எதிர்ப்பு தெரிவித்து ஆளும் தரப்பு போராட்டம்

Published By: Digital Desk 4

27 Sep, 2021 | 10:33 PM
image

(எம்.ஆர்.எம்.வசீம்)

தனிமைப்படுத்தல் ஊரடங்கு காரணமாக கொழும்பு மாநகர எல்லை பிரதேசத்தில் பாதிக்கப்பட்டிருக்கும் மக்களுக்கு உலர் உணவு பொதி வழங்குவதற்காக மாநகர சபையினால் பிரேரணை ஒன்றை அனுமதி கேட்டிருந்தபோதும் மாநகர ஆணையாளர் அதற்கு அனுமதி வழங்காமைக்குக்கு எதிர்ப்பு தெரிவிக்கும் வகையில் இன்று மாநகர ஆளும் கட்சி உறுப்பினர்கள் மாநகர வளாகத்தில் எதிர்ப்பு போராட்டத்தில் ஈடுபட்டிருந்தனர்.

Image

இந்த எதிர்ப்பு போராட்டத்துக்கு மாநகரசபை மேயர் ரோசி சேனாநாயக்கவும் கலந்துகொண்டிருந்ததுடன் மாநகரசபை சிறிலங்கா சுதந்திர கட்சி உறுப்பினர் ரம்சி டோனியும் கலந்துகொண்டிருந்தார். 

நாட்டுக்குள் பயணக்கட்டுப்பாடு அமுல்படுத்தப்பட்டுள்ளதன் காரணமாக பாதிக்கப்பட்டிருக்கும் மக்களுக்கு நிவாரணமாக, அவர்களுக்கு சதொச நிறுவனம் ஊடாக 4ஆயிரம் ரூபா பெறுமதியான உலர் உணவு பொதியொன்றை பெற்றுக்கொடுப்பதற்கு மாநகரசபையில் தீர்மானம் நிறைவேற்றப்பட்டுள்ளது. அந்த தீர்மானத்தை செயற்படுத்துவதற்கு மாநகர ஆணையாளர் உட்பட அதிகாரிகள் அனுமதிக்காதமைக்கு எதிர்ப்பு தெரிவித்தே போராட்டத்தில் ஈடுபட்டதாக உறுப்பினர்கள் தெரிவித்தனர்.

Image

அத்துடன் மாநகர ஆணையாளர் மேயரின் அதிகாரத்தை கையில் எடுத்துக்கொண்டுள்ளார். இதுதொடர்பில் கவனம் செலுத்தி நியாயமாக நடவடிக்கை எடுக்குமாறு தெரிவித்து மேல் மாகாண ஆளுநரிடமும் கேட்டுக்கொள்வதாகவும் அவர்கள் தெரிவித்தனர்.

இந்த ஆர்ப்பாட்டம் தொடர்பில் மேயர் ரோசி சேனாநாயக்க குறிப்பிடுகையில்,

Image

மாநாகர எல்லையில் வாழ்பவர்களில் அதிகமானவர்கள் நாளாந்தம் வருமானம் ஈட்டிக்கொள்ளும் மக்களாகும். ஒரு மாதத்துக்கும் அதிக காலம் பயணக்கட்டுப்பாடு இருந்து வருகின்றது. அதனால் அவர்கள் பெரும் பாதிப்புக்குள்ளாகி இருக்கின்றனர். அதனால் குறைந்த வருமானம் பெறும் மக்களுக்கு உலர் உணவு பொதியொன்றை வழங்குவதற்கு நாங்கள் விசேட நிதி செயற்குழுவில் கோரி இருந்தோம்.

அத்துடன் மாநகரசபை மாதாந்த அமர்விலும் அதற்கான அனுமதியை பெற்றுக்கொண்டிருந்தோம். ஆனால் தற்போது அதனை வழங்க முடியாதவகையில் அதிகாரிகள் செயற்பட்டு வருகின்றனர். இதனை மேற்கொள்ள முடியாது என காரணங்களை தெரிவிக்கின்றனர். அவர்கள் தெரிவிக்கும் காரணங்கள் எதுவும் சட்டபூர்வமானதல்ல என்றார்

முக்கிய செய்திகள்

icon-left
icon-right

தொடர்பான செய்திகள்

news-image

ஜனாதிபதி ரணில் விக்கிரமசிங்கவுடன் கூட்டணியமைக்கும் நோக்கம்...

2023-09-24 19:26:01
news-image

நல்லிணக்கத்தை கட்டியெழுப்ப எந்த அரசாங்கமும் முயற்சியை...

2023-09-24 19:30:52
news-image

அலி சப்ரி ரஹீம் தொடர்பில் ஏன்...

2023-09-24 19:44:10
news-image

கலைஞர்கள், ஊடகவியலாளர்களுக்காக சீன அரசாங்கத்தின் உதவியுடன்...

2023-09-24 19:10:51
news-image

மாகாண அதிகாரம் மத்திக்கு : ஆளுநர்...

2023-09-24 19:31:50
news-image

மன்னாரில் நடைபெறவிருந்த தேசிய மீலாத்துன் நபி...

2023-09-24 19:32:58
news-image

ஏமாற்றமளித்துள்ள ஐ.நா மனித உரிமைகள் உயர்ஸ்தானிகரின்...

2023-09-24 19:49:13
news-image

போர்க்குற்றங்கள் தொடர்பில் சர்வதேச விசாரணை கோரப்படக்கூடாது...

2023-09-24 19:52:19
news-image

கிழக்கு மாகாணத்தின் பாதுகாப்பு நிலைமை வலுவடைந்துள்ளது...

2023-09-24 19:52:41
news-image

வலுவானதும் சுபீட்சமானதுமான இலங்கையை கட்டியெழுப்புவதற்கான ஒத்துழைப்பு...

2023-09-24 19:53:15
news-image

மட்டக்களப்பில் டெங்கு நோய் தீவிரம் :...

2023-09-24 17:35:26
news-image

கொழும்பு தேசிய வைத்தியசாலையில் திருட்டில் ஈடுபட்ட ...

2023-09-24 16:57:18