தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

கல்குடா மற்றும் ஹொரவபொத்தானை பொலிஸ் பிரிவுகளில் நேற்று ஞாயிற்றுக்கிழமை நீரிழ் மூழ்கி இருவர் உயிரிழந்துள்ளதாக பொலிஸ் ஊடகப்பிரிவு தெரிவித்துள்ளது.

கல்குடா பொலிஸ் பிரிவில் அலிகல கடலில் நீராடச் சென்ற மூவரில் ஒருவர் கடலில் மூழ்கி காணாமல் போயிருந்த நிலையில் நேற்று  ஞாயிற்றுக்கிழமை சடலமாக மீட்கப்பட்டுள்ளதாக பொலிஸ் ஊடகப்பிரிவு தெரிவித்துள்ளது.

மாணிக்கபுறம் , கும்புறுமுல்ல பிரதேசத்தைச் சேர்ந்த 62 வயதுடைய நபரொருவரே இவ்வாறு உயிரிழந்துள்ளார்.

கல்குடா பொலிஸார் இது தொடர்பில் மேலதிக விசாரணைகளை முன்னெடுத்து வருவதாக பொலிஸ் ஊடகப்பிரிவு மேலும் தெரிவித்துள்ளது.

ஹொரவபொத்தானை பொலிஸ் பிரிவில் வாவியொன்றில் மூழ்கி நபரொருவர் உயிரிழந்துள்ளார்.

கம்மெத்த - ஹொரவபொத்தான பிரதேசத்தைச் சேர்ந்த 62 வயதுடைய நபரொருவரே இவ்வாறு உயிரிழந்துள்ளதாக பொலிஸ் ஊடகப்பிரிவு தெரிவித்துள்ளது.