மன்னார், மாந்தை மேற்கு பிரதேச செயலாளர் பிரிவில் உள்ள முதலியார் கமம் பகுதியில் இன்று வெள்ளிக்கிழமை அதிகாலை  சட்டவிரோதமான முறையிலும், அனுமதிப்பத்திர விதிமுறைகளை மீறியும் மணல் ஏற்றிச் சென்ற 3 டிப்பர்,5 உழவு இயந்திரங்களை இலுப்பை கடவை பொலிஸார் கைப்பற்றியுள்ளதோடு, 8 சாரதிகளையும் கைது செய்துள்ளனர்.

இலுப்பைக்கடவை பொலிஸ் பிரிவில் உள்ள முதலியார் கமம் பகுதியில்  இன்று வெள்ளிக்கிழமை அதிகாலை (17) சட்ட விரோதமான முறையிலும் ,அனுமதிப்பத்திர விதிமுறைகளை மீறியும் மணல் ஏற்றிச் சென்ற 3 டிப்பர் மற்றும் 5 உழவு இயந்திரங்கள் பொலிஸார்  மணலுடன்  கைப்பற்றியுள்ளதோடு, டிப்பர் மற்றும் உழவு இயந்திரங்களின் சாரதிகளையும் கைது செய்துள்ளனர்.

கைது செய்யப்பட்ட 8 சாரதிகளும் பொலிஸார் பிணையில் விடுவிக்கப்பட்டுள்ளதோடு, எதிர்வரும் 22 ஆம் திகதி கைப்பற்றப்பட்ட மணல் மற்றும் வாகனங்கள் மன்னார் நீதிமன்றத்தில் ஒப்படைக்கப்பட்டுள்ளதோடு, அன்றைய தினம் குறித்த 8 சாரதிகளும் மன்றில் ஆஜர்படுத்தப்படவுள்ளமை குறிப்பிடத்தக்கது.