(இராமேஸ்வரத்திலிருந்து ஆ.பிரபுராவ்)

பாம்பன்  அருகே குந்துக்கால் கடற்கரை கிராமத்தில் இறந்த நிலையில் இராட்சத புள்ளிசுறா ஒன்று கரை ஒதுங்கியுள்ளது.

இதனை கண்ட கிராம மக்கள் வனத்துறையினருக்கு தகவல் கொடுத்தனர்.

இதனையடுத்து சம்பவ இடத்திற்கு விரைந்து வந்த வனத்துறை அதிகாரிகள் இறந்த நிலையில் கரை ஒதுங்கிய புள்ளிசுறாவை உடல்கூற்று சோதனை செய்து  மணலில் புதைத்தனர். 

  

உலகிலேயே அரியவகை கடல்வாழ் உயிரினங்கள் அதிகம் வசிக்கும் பகுதி மன்னார்வளைகுடா கடற்பகுதியாகும். 

இந்நிலையில் குந்துகால் கடற்கரையில் சுமார் 1500 கிலோ எடையும் 17 அடி நீளமும் கொண்ட அரியவகை புள்ளிசுறா ஒன்று இறந்த நிலையில் கரை ஒதுங்கியது.

இறந்த புள்ளிசுறா நோய் வாய்ப்பட்டு அல்லது பெரிய அளவிளான சரக்குக்கப்பலின்  இயந்திரத்தில் அடிபட்டு இறந்திருக்கலாம் என வனத்துறை அதிகாரிகள்  தெரிவித்தனர். 

மேலும் ஆழ்கடல்பகுதியில் வசிக்கக்கூடியது எனவும் சங்கு வகைகள் மற்றும் அதிக முட்பகுதிகொண்ட இன மீன்களை உணவாக உட்கொள்ளும் தன்மையுடையது என அதிகாரிகள் தெரிவித்தனர்.