தவறவிடாதீர்கள்..!உடனே பதிவு செய்யுங்கள்

கருவெலகஸ்வெவ பிரதேச செயலகத்திற்குட்பட்ட பஹரிய கிராமத்தில் நேற்று இரவு காட்டுயானைகள் உட்புகுந்து நூற்றுக்கும் அதிகமான தென்னைமரங்களை சேதப்படுத்தியுள்ளதாக அக்கிராம மக்கள் கவலைத் தெரிவிக்கின்றனர்.

இரவு வேளைகளில் அவசர நிலமைகளில் கூட வெளியில் செல்ல முடியாமல் இருப்பதாகவும் அப்பகுதியில் தொடர்ந்தும் காட்டு யானைகளினால் அச்சுறுத்தல்களுக்குள்ளாகி வருவதாகவும் அக்கிராமத்திற்கு வனஜீவராசிகள் திணைக்கள அதிகாரிகள் வருகைத் தருவதில்லையெனவும் அக்கிராம மக்கள் விசனம் தெரிவிக்கின்றனர். 

அண்மையில்கூட கருவெலகஸ்வெவ, தப்போவ, குடாமதவாச்சிய பகுதியில் 2 வயதுடைய காட்டு யானைக்குட்டியொன்று பாழடைந்த கிணற்றுக்குள் வீழ்ந்த நிலையில் நீண்ட பிரயத்தனத்திற்கு மத்தியில் வனஜீவராசிகள் திணைக்களத்தினரால் உயிருடன் மீட்கப்பட்டு அப்பகுதியிலே விடுவிக்கப்பட்டமைக் குறிப்பிடத்தக்கது.