மோட்டார் சைக்கிள் விபத்தில் ஒருவர் பலி

By Gayathri

01 Sep, 2021 | 12:41 PM
image

(எம்.மனோசித்ரா)

புளியங்குளம் பொலிஸ் பிரிவில் கண்டி - யாழ்ப்பாணம் ஏ 9 வீதியில் 201 கிலோ மீற்றர் தூணுக்கு அருகில் இடம்பெற்ற விபத்தில் ஒருவர் உயிரிழந்துள்ளார்.

யாழ்ப்பாணத்தை நோக்கி சென்று கொண்டிருந்த மோட்டார் சைக்கிளொன்று அதே திசையில் பயணித்துக்கொண்டிருந்த பிரிதொரு மோட்டார் சைக்கிளுடன் மோதியே குறித்த விபத்து இடம்பெற்றுள்ளது.

விபத்தில் படுகாயமடைந்த நிலையில் இரு மோட்டார் சைக்கிள்களில் பயணித்த இருவரும் வவுனியா வைத்தியசாலையில் அனுமதிக்கப்பட்டபோது , அவர்களில் ஒருவர் சிகிச்சை பலனின்றி உயிரிழந்துள்ளார்.

இவ்வாறு உயிரிழந்தவர் 49 வயதுடைய முள்ளியவெளி பிரதேசத்தைச் சேர்ந்தவராவார். புளியங்குளம் பொலிஸார் விபத்து தொடர்பில் மேலதிக விசாரணைகளை முன்னெடுத்து வருகின்றனர்.

முக்கிய செய்திகள்

icon-left
icon-right