தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)
பேராசிரியர் திஸ்ஸ விதாரண, விசேட வைத்திய நிபுணர் சுதர்ஷனி பெர்னாண்டோ புள்ளே, வைத்தியர் ரமேஷ் பத்திரண, கலாநிதி சீதா அரம்பேபொல மற்றும் பேராசிரியர் சன்ன ஜயசுமண ஆகிய சுகாதாரத்துறையில் நிபுணத்துவம் உடையவர்கள் சுகாதார அமைச்சில் உள்வாங்கப்படுவர் என்று எதிர்பார்க்கப்பட்டது. 

ஆனால் மக்களை பாதுகாக்கும் பொறுப்பை கடவுளிடம் ஒப்படைப்பதாகக் கூறிய கெஹெலிய ரம்புக்வெல்ல சுகாதார அமைச்சராக நியமிக்கப்பட்டுள்ளமை பொறுத்தமற்றதாகும் என்று ஐக்கிய மக்கள் சக்தியின் பாராளுமன்ற உறுப்பினர் அஜித் மன்னப்பெரும தெரிவித்தார்.

அவர் மேலும் கூறுகையில், நாட்டு மக்களைப் பாதுகாப்பதில் அரசாங்கம் முழுமையாக தோல்வியடைந்துள்ளது. முதலாவது அலையின் போது நாட்டை முடக்குமாறு கோரிய போது 28 தொற்றாளர்கள் இனங்காணப்பட்டமைக்காக நாட்டை முடக்க முடியாது என்று கூறிய அரசாங்கம், தற்போது மரணங்களின் எண்ணிக்கை 6000 ஐ கடந்துள்ள நிலையிலும் அதே நிலைப்பாட்டிலேயே உள்ளது.

முன்னாள் ஜனாதிபதி மைத்திரிபால சிறிசேன முகப்புத்தகம் பார்ப்பதில்லை என்று கூறியுள்ளார். ஆனால் தற்போதைய ஜனாதிபதி பத்திரிகைகளைக் கூட பார்ப்பதில்லை. ஆளுந்தரப்பில் கட்சிக்குள்ளும் ஒற்றுமை இல்லை. அரசாங்கத்திற்குள்ளும் ஒற்றுமை இல்லை. தற்போது அமைச்சரவையில் ஏற்படுத்தப்பட்டுள்ள மாற்றங்கள் பயனற்றவை.

இரவு நேர ஊரடங்கு அமெரிக்கா, சிங்கப்பூர் மற்றும் தாய்லாந்து உள்ளிட்ட நாடுகளுக்கு பொறுந்துமே தவிர இலங்கைக்கு பொறுத்தமானதல்ல என்றார்.