தவறவிடாதீர்கள்..!உடனே பதிவு செய்யுங்கள்

ரசிகர்களின் ஏகோபித்த எதிர்பார்ப்பில் இருந்த 'தல' அஜித்தின் 'வலிமை' பட ஃபர்ஸ்ட் லுக் மற்றும் மோஷன் போஸ்டர் எந்தவித முன்னறிவிப்புமின்றி திடீரென்று நேற்று மாலை வெளியாகியிருக்கிறது.

'சதுரங்க வேட்டை', 'தீரன் அதிகாரம் ஒன்று', 'நேர்கொண்டபார்வை' ஆகிய படங்களை இயக்கிய இயக்குனர் ஹெச். வினோத் இயக்கத்தில் தயாராகி இருக்கும் புதிய திரைப்படம் 'வலிமை'. இதில் 'தல: அஜித் கதையின் நாயகனாக நடிக்க, அவருடன் 'காலா' பட புகழ் பொலிவுட் நடிகை ஹூமா குரேஷி, தெலுங்கு நடிகர் கார்த்திகேயா, பவெல் நவகீதன், யோகிபாபு, மூத்த நடிகை சுமித்ரா உள்ளிட்ட பலர் நடித்திருக்கிறார்கள். நீரவ்ஷா ஒளிப்பதிவு செய்திருக்கும் இந்த படத்திற்கு யுவன் சங்கர் ராஜா இசை அமைத்திருக்கிறார். 'தல' அஜித் நடித்த 'நேர்கொண்ட பார்வை' என்ற படத்தைத் தயாரித்த பொலிவுட் தயாரிப்பாளர் போனிகபூர் இந்த படத்தையும் பிரம்மாண்டமான பொருட்செலவில் தயாரித்திருக்கிறார்.

கடந்த ஓராண்டு காலமாக 'வலிமை' படத்தின் அப்டேட்டை 'தல' அஜித்தின் ரசிகர்கள் வலிமை படக்குழுவினர், திரையுலகப் பிரபலங்கள்,  அரசியல்வாதிகள், சர்வதேச விளையாட்டு வீரர்கள் என பலதுறை பிரபலங்களிடம் இணையம் வாயிலாகவும், பதாகை வழியாகவும் கேட்டுக்கொண்டிருந்தனர். இந்நிலையில் இப்படத்தின் ஃபர்ஸ்ட் லுக் மற்றும் மோஷன் போஸ்டர்  என இரண்டும் இம்மாதம் 15ஆம் திகதியன்று வெளியாகும் என தகவல் வெளியானது. இத்தகைய எதிர்பார்ப்புடன் காத்திருந்த தல அஜித் ரசிகர்களுக்கு திடீரெண்டு வலிமை படக்குழுவினர் இரட்டை விருந்தை அளித்திருக்கிறார்கள். அதாவது ஞாயிற்றுக்கிழமையான இன்று திடீரென்று இப்படத்தின் ஃபர்ஸ்ட் லுக் மற்றும் மோஷன் போஸ்டர் வெளியிடப்பட்டிருக்கிறது. இருப்பினும் இணையத்தில் எப்போதும் உலாவரும் 'தல' அஜித்தின் ரசிகர்கள் இதனை கொண்டாடி வைரலாக்கி வருகிறார்கள்.