இராஜாங்க அமைச்சர் வியாழேந்திரனின் மட்டக்களப்பிலுள்ள வீட்டின் முன்னால் சற்றுமுன்னர்  இடம்பெற்ற துப்பாக்கிச்சூட்டு சம்பவத்தில் டிப்பர் வாகன சாரதி ஒருவர் உயரிழந்துள்ளதாக தெரிவிக்கப்படுகின்றது.

இராஜாங்க அமைச்சர் வியாழேந்திரனின் வீட்டில் இருந்த பொலிஸ் மெய்பாதுகாவலர் ஒருவர் மேற்கொண்ட துப்பாக்கிப்பிரயோகத்திலேயே குறித்த சாரதி உயிரிழந்துள்ளதாக குறிப்பிடப்படுகின்றது.

இதையடுத்து சம்பவ இடத்திற்கு பொலிஸார் விரைந்து சம்பவம் தொடர்பிலான விசாரணைகளை மேற்கொண்டு வருகின்றனர்.

மேலும், இராஜாங்க அமைச்சர் வியாழேந்திரனின் வீட்டிற்குள் அத்துமீறி நுழைந்த ஒருவர் மீதே துப்பாக்கிப் பிரயோகம் மேற்கொள்ளப்பட்டுள்ளதாக உத்தியோகபூர்வமற்ற தகவல்கள் தெரிவிக்கின்றன.